ମହାଶକ୍ତି ସବୁ ଶବ ଗଣୁଛନ୍ତି

ମହାଶକ୍ତି ସବୁ ଶବ ଗଣୁଛନ୍ତି

  ବିଜ୍ଞାନୀ ହେଲେଣି ବୋକା

  କିରଣ ଛଡେଇ କରୋଣା ମାରୁଛି

  ଚଉକା ପଛକୁ ଛକା

  ରୋଗୀ ଦେଖିବାକୁ ଡାକ୍ତର ଅଭାବ

  କଫିନ୍ ମିଳୁନି ନେବା ପାଇଁ ଶବ

  କବର ଦେବାକୁ କବରଖାନାରେ

   ଯାଗା ନାହିଁ ଆଉ ଫାଙ୍କା

   କରୋଣା ମାରୁଛି ଛକା

   ସମନ ଲେଖୁଛି ସମୟକୁ ଚିଠି

   ଲକ୍ଷ ଲକ୍ଷ ମିଶି ହୋଇଲେଣି କୋଟି

   ଜୀବନ ଶଇଳି ନଗଲେ ବଦଳି

   ବଳେଇ ପଡିବ ଶଙ୍କା

   କରୋଣା ମାରୁଛି ଛକା

   ନମାନିଲେ ବୋଲ ହେବ କଲବଲ

   ଦୁନିଆ ହେଉଛି କହି

   ଦୁଇଗଜ ଦୂର ଲକ୍ଷ୍ମଣ ର ଗାର

   ବୁଝିବାକୁ ବେଳ କାହିଁ !

  କୋଳାକୋଳି ହୋଇ ପାଲା ତ ଗାଇଲେ

  ସୁରଟ ଫେରନ୍ତା ଟୋକା

  କରୋଣା ମାରୁଛି ଛକା

   କେଇଟା ଦିନର ନିସଙ୍ଗ ଜୀବନ

   ବିପଦକୁ ଦିଏ ଟାଳି

   ଏଇ କଥାକୁତ କାନ ନଦେବାରୁ

   ଯାତନା ଯାଏରେ ବଳି

   କରୋଣା କଲାଣି ରାଇଜକୁ କାବୁ

   ଯାଗା ନାହିଁ କାହିଁ ଫାଙ୍କା

   କରୋଣା ମାରୁଛି ଛକା

   ଏମିତି ବେମାରୀ ନାହିଁ ତା ଓଷଦ

   ଦୁନିଆ ଆଖିରୁ ହଜିଯାଏ ନିଦ

   ଜଗତ ଚାହିଁଛି କେବେ ବାହାରିବ

   ରୋଗ ରୋକିବାକୁ ଟୀକା.

   କରୋଣା ମାରୁଛି ଛକା ।