*ମଧୁ ବର୍ଣ୍ଣବୋଧ କବିତା ମାଳା**କବିତା ଶୀର୍ଷକ :-*🌹 *ବ
*ମଧୁ ବର୍ଣ୍ଣବୋଧ କବିତା ମାଳା**କବିତା ଶୀର୍ଷକ :-*🌹 *ବ
ବିଦ୍ୟାଟି ଅଟଇ ମହାଧନ ପିଲେ
ସାର୍ଥକ କରେ ଜୀବନ
ମନ ଧ୍ୟାନ ଦେଇ ପଢ ହେ ବାଳକେ
କର ତାକୁ ଉପାର୍ଜନ ।
ଶୈଶବ କାଳରୁ କର ଆହରଣ
ଭଲରେ କର ଅର୍ଜନ
ବର୍ଣ୍ଣବୋଧ ହେଲେ ସବୁ ବହି ପିଲେ
ହେବ ଲିଖନ ପଠନ ।
ପଢିବା ବୟସ ଅତିକ୍ରାନ୍ତ ହେଲେ
ନିଜେ ହେବ ହୀନିମାନ
ନ ହେଲେ ବି ପାଠ ମନ ଦୁଃଖେ କେହି
କର ନାହିଁ ଅଭିମାନ ।
ଅଭ୍ୟାସ କରିଲେ ଆଗ୍ରହ ରଖିଲେ
ମିଳି ଯିବ ବରଦାନ
ପ୍ରଭୁ ଶ୍ରୀଗଣେଶ ମାତା ସରସ୍ବତୀ
କରିବେ ବିଦ୍ୟା ପ୍ରଦାନ ।
ଅଭ୍ୟାସ ବଳରେ ଜଳର ମଧ୍ୟରେ
ସନ୍ତରଣ କରେ ମୀନ
ଅନଭ୍ୟାସ ଯୋଗୁଁ ଶକ୍ତିଶାଳୀ ହସ୍ତୀ
ଲୁହ ଗଡାଏ ନୟନ ।
ସେମିତି ଆଖିରେ ଲୁହକୁ ଆଣନା
ପଢ ଦେଇ ପାଠ ମନ
ଦେଖିବ ଯେ ପିଲେ ଧୀରେ ଧୀରେ ଯଶ
ଖ୍ୟାତି ହୋଇବ ଅର୍ଜନ ।
ଅକ୍ଷର ଶିଖିବ ବହି କୁ ପଢିବ
କରିବ ତାକୁ ଲିଖନ
ଆଗ ଆଗ ସିନା କଷ୍ଟକୁ ଲାଗିବ
ପରେ କହୁଥିବ ଧନ୍ୟ ।
ନିଜ ଦେଶେ ରାଜା ପୂଜା ପାଇଥାଏ
ବିଦ୍ୟା ପାଏ ସର୍ବସ୍ଥାନ
ହେଳା କର ନାହିଁ ବିଦ୍ୟା ପିଲେମାନେ
ବିଦ୍ୟାଟି ଅଟେ ମହାନ ।
ଧନ ଦଉଲତ ଯାହା ପାଖେ ଥିବ
ନେଇ ଯିବେ ପରିଜନ
ନେଇ ପାରିବେନି ଏଇ ବିଦ୍ୟା କେହି
ବିଦ୍ୟା ତ ମହାନ ଧନ ।