ମୌସୁମୀ

ତୁ ଆସିଗଲେ ମୟୁର ଛମଛମ ନାଚିବ

ବରଷା ରାଗିଣୀ ତୋଳିବ

ନଈ ଫୁଲିବ କାଗଜ ଡ଼ଙ୍ଗା ଭାସିବ

ଚଉକା ଚଉକା ପାଣିରେ ପଦ୍ମ ଫୁଟିବ

ନୀଳକଇଁ ହସିବ ଖିଲଖିଲ

ସାଧବ ବୋହୁ ପାଦ ପକେଇବ ମଖମଲ୍ଲୀ

ବୁଢୀମା ପାନ ଖାଇ ଓଠ ନାଲି ନାଲି

ଅଜାଙ୍କ ମୁଣ୍ଡେ ଛତା ରଙ୍ଗ ଦିଶିବ ନାଲି l

ବେଙ୍ଗ କେଁ କଟର ଡାକିବ

ଶୀତଳ ସବୁଜ ବାନାନୀ ସାଜିବ

ଧରଣୀ ସବୁଜ ପଣତରେ ସିନ୍ଦୁର ନାଇବ

ଜହ୍ନି ଫୁଲ ଫୁଟି ଝରିଯିବ

କୁଆଁରୀ ଲାଜ ସରିଯିବ ପାଉଁଜି ଶବ୍ଦ ଶୁଭିବ l

ଚାରିଆଡେ ଛମ ଛମ ତାନ

ରହି ରହି ମଳୟ ଜିଣିବ ମନ

ଶୀତଳତା ଦୂରେଇବ ଦହନ ଏ ସନ

ଚାଷୀ ଭାଇ ସନ୍ତୁଷ୍ଟିରେ ମଗ୍ନ

ମୁଗ୍ଧ ହେବ ସଭିଙ୍କ ଉଦାସୀ ଲଗ୍ନ

ସାଥେ ମନ ମୁନ ମାନ ଓ ସମ୍ମାନ

ଜଗନ୍ନାଥ କରନ୍ତୁ ଆଶୀର୍ବାଦ ପ୍ରଦାନ

ବରଷା ଆଣିଦେଉ ଭାତ ହାଣ୍ଡି ସାଥେ

ଶଙ୍ଖ ଚକ୍ର ଗଦା ପଦ୍ମ ଚି଼ହ୍ନ l