ମାଟ୍ରିକ ରେ ହାଟ୍ରିକ୍
ମାଟ୍ରିକ ରେ ହାଟ୍ରିକ୍
ବକଟି ମୁହଁ ଟା ଶୁକୁଟି ଯାଇଛି
ଟୁଇଁ କାନ୍ଦେ କଇଁ କଇଁ
ଶନିଆ ଟା ଭାରି ଛାନିଆ ଲାଗୁଛି
ବୁଲୁ ଚାଲେ ମଥା ନଇଁ
ପଚାରିବୁଝିଲି କିବା ହୋଇ ଅଛି
ମନେ ତୁମ ବହୁ ଦକା
କହିଲେ ସଭିଏଁ ଘଡ଼ି ସନ୍ଧି ବେଳ
ଆମ ଦଶମ ପରୀକ୍ଷା
ଦେଖିଲି ସଭିଏଁ ପରୀକ୍ଷା ଦେଇଣ
ଫେରୁଛନ୍ତି ଇସ୍କୁଲୁରୁ
ସଭିଏଁ ଫେରନ୍ତି ଡରି ଡରି ହେଲେ
ଭଗିଆ ଟା କୁରୁକୁରୁ
ତା'ସାଙ୍ଗରେ ଆସେ ବତାସିଆ ହେଲେ
ହତାସିଆ ଦିଶେ ଭାରି
ଭଗିଆ ଟା ବୋଧେ ସବୁ ପ୍ରଶ୍ନୋତ୍ତର
ଦେଇଅଛି ଭଲ କରି
ପଚାରିଲି କିରେ ଭଗିଆ ତୋ ମନ
ଭାରି ଖୁସି କାଇଁ ଆଜି
କହିଲା ଗୁଣ୍ଡୁଚି ଭଲପାଏ ମୋତେ
ହେଇଯାଇଛି ସେ ରାଜି
ସେଥିପାଇଁ ମୋର ମନ ଭାରି ଖୁସି
ତଳେ ତ ଲାଗୁନି ପାଦ
କପି ଟିକେ ଦେଇ ଗୁଣ୍ଡୁଚି କୁ ମୁହିଁ
ଶୁଙ୍ଘେଇ ଦେଇଛି ଗଦ
ରୀତା ଓ ରୁବିନା ପଟି ଯାଇଥିଲେ
ଗୁଣ୍ଡୁଚି ନମ୍ବର ତିନି
ମାଟ୍ରିକ ରେ ମୁଁ ତ ହାଟ୍ରିକ ମାରିଛି
ତାକ ଧିନା ଧେଇ ଧିନି
ଶୁଣିକି ମୁଁ ହେଲି ତୋବା.
ଶୁଣିକି ମୁଁ ହେଲି ତୋବା
ତା'ବାପା କୁ କହି ଭାବୁଥିଲି ମୁହିଁ
ପୁରସ୍କାର ଗୋଟେ ଦେବା
ଯାଇ ମୁଁ ସକଳ ବୃତ୍ତାନ୍ତ କହିଲି
ଭଗିଆ ବାପାକୁ ଡାକି
କାହିଁକି ତାହାକୁ ପଢଉଛ ପାଠ
ପଟେଇଛି ତିନି ଲଡକି
ବାପା ତା'ର ସତେ ନିଆଁ ହୁଳା ସାଜି
ଦେଲେ ତାକୁ ଦୁଇ ପାହାର
କହିଲା ଏମିତି କରିବିନି ଆଉ
ଛାଡ଼ି ଦିଅ ମୋତେ ଏ ଥର
ପ୍ରକୃତି ବଦଳେ କାହାର
ପ୍ରକୃତି ବଦଳେ କାହାର
ସଞବେଳେ ତାକୁ ନଈ କୁଳେ ମୁଁ ଯେ
ଦେଖିଲି କରୁଛି ପ୍ୟାର
ଏ ସଂସାରଟା ଛାରଖାର
ହେଲା ସଂସାର ଟା ଛାର ଖାର
ନିଶ ନ ଉଠୁଣୁ ପ୍ରେମିକା ଖୋଜନ୍ତି
କରିବାକୁ ବେଡା ପାର