ମାଆ
ମାଆ
ମାଆର ଗର୍ଭରୁ ଜନମିଲି ଯେବେ
କୁଆଁ କୁଆଁ ଡାକ ନେଇ,
କୋଳେଇ ନେଲୁତୁ ପଣତ କାନିରେ
ଓଠରେ ଚୁମ୍ବନ ଦେଇ ।
ମୋ କୁନି ପାଟିରୁ ଶୁଣିଲୁ ଯେବେତୁ
ମାଆର କୋମଳ ଡାକ,
ମନ ଆନନ୍ଦରେ ଭରିଗଲା ତୋର
ପାଇଲୁ ସରଗ ସୁଖ ।
ଧିରେଧିରେ ମୋତେ ଶିଖାଇଲୁ ଚାଲି
ଧରି ମୋର ଦୁଇହାତ,
ଜହ୍ନମାମୁଁ ଗୀତ ତୋ କଣ୍ଠୁ ଶୁଣାଇ
ଖୁଆଇଲୁ ଦୁଧ ଭାତ ।
ସଂସାର ନାଆର ନାଉରୀ ସାଜିତୁ
କୂଳେ ଲଗାଇଲୁ ମୋତେ,
ସ୍ନେହ ମମତା ର ବନ୍ଧନ ଡୋରିକୁ
ଭୁଲିକି ପାରିବି ସତେ ।
ତୋର ପାଦଧୂଳି ଦେହେ ଦେଲେ ବୋଳି
ଦୁଃଖ ହୋଇଯାଏ ଦୂର,
ମାଆର ପଣତ ଢାଙ୍କିଦେଲେ ଥରେ
ନଥାଏ ଭୟ କି ଡର ।
ମାଆମୋ ବିଶ୍ୱାସ ମାଆମୋ ନିଶ୍ୱାସ
ମାଆ ମୋ ସପନ ରାଜି,
ଶପଥ କରୁଛି ଶୁଝିବି ତୋ ଋଣ
ଶ୍ରବଣ କୁମାର ସାଜି ।