ମାଆ ଚର୍ଚ୍ଚିକା
ମାଆ ଚର୍ଚ୍ଚିକା
ଜୟ ମା ଚର୍ଚ୍ଚିକା ମଙ୍ଗଳ ଚଣ୍ଡୀକା
ପାଦେ କୋଟି ପ୍ରଣିପାତ
ଅଜୋନୀସମ୍ଭୂତା ମହିମାମୟୀ ମା
ମହିମା ଜଗତେ କ୍ଷାତ ।
ଜୟ ମା ଚର୍ଚ୍ଚିକା ଅପର୍ଣ୍ଣା ଅମ୍ବିକା
ତୁମ ନାମ ଗାଇ ଗାଇ
ତୁମ ଗାଥା କଥା ବଖାଣୁଅଛି ମା
ତୁମରି ଚରଣ ଧ୍ୟାଇ ।
ପୂଣ୍ୟତୋୟା ମହା ନଦୀର କୂଳରେ
ପବିତ୍ର ବାଙ୍କୀ ସହର
ରହିଅଛି ତହିଁ ସୁଉଚ୍ଚ ପର୍ବତ
ରୁଚିକା ନାମଟି ତାର
ରୁଚିକ ଋଷିଙ୍କ ତପ ସ୍ଥଳୀ ଥିଲା
ଅପୂର୍ବ ସ୍ଥାନ ଟି ସେହି
ଋଷି କରୁଥିଲେ ତପସ୍ୟା ସେଠାରେ
ଧ୍ଯାନରେତ ମଗ୍ନ ହୋଇ ।
ଋଷିଙ୍କ ନାମରେ ପର୍ବତ ର ନାଁ
ରୁଚିକା ଭାବରେ କ୍ଷାତ
ସେହି ପୂଣ୍ୟ ଭୂଇଁ ପବିତ୍ର ପର୍ବତେ
ମାଆ ଚର୍ଚ୍ଚିକା ଙ୍କ ପୀଠ ।
ମହିମା ମୟୀ ଙ୍କ ମଙ୍ଗଳ ମୂର୍ଚ୍ଛନା
ପର୍ବତ ରେ ନିନାଦିତ
ପାଦ ରଖୁରଖୁ ସେ ଶକ୍ତି କ୍ଷେତ୍ରରେ
ପ୍ରାଣ ହୁଏ ପୁଲକିତ ।
ସପ୍ତସତୀ ଚଣ୍ଡୀ ଦେବୀ ଭାଗବତ
ସାରଳା ମହାଭାରତ
ଚଣ୍ଡୀ ପୁରାଣ ରେ ମାଆ ଚର୍ଚ୍ଚିକା ଙ୍କ
ମହିମା ଅଛି ବର୍ଣ୍ଣିତ ।
ମାଆଙ୍କ ଉତ୍ପତ୍ତି କେତେ କିମ୍ବଦନ୍ତୀ
ବଖାଣନ୍ତି ସବୁ ପୋଥି
ଦକ୍ଷ ସୂତା ସତୀ ହସ୍ତାବଶେଷରୁ
ମାଆ ହୋଇଛନ୍ତି ସୃଷ୍ଟି ।
ରକ୍ତବିର୍ଯ୍ଯ ବଧ ପାଇଁ ମାଆ ଦୁର୍ଗା
ଚାମୁଣ୍ଡା ସରଜି ଥିଲେ
କିମ୍ବଦନ୍ତୀ କହେ ସେହି ଚାମୁଣ୍ଡା ଯେ
ଚର୍ଚ୍ଚିକା ଙ୍କ ରୂପ ହେଲେ ।
ଦୁର୍ଗାଙ୍କ ଚୌଷଠୀ ଯୋଗିନୀ ମଧ୍ୟରେ
ଚାମୁଣ୍ଡା ଅଟନ୍ତି ଜ୍ୟେଷ୍ଠା
ସମସ୍ତ ଙ୍କୁ ଚର୍ଚ୍ଚା କରନ୍ତି ବୋଲି ସେ
ଚର୍ଚ୍ଚିକା ନାମରେ କ୍ଷାତା ।
ଆର୍ଯ୍ୟାବ୍ରତ ସାରା ଭ୍ରମଣ କାଳରେ
ବୀର ପର୍ଶୁରାମ ସେତ
ମହାନଦୀ ତଟେ ରୁଚିକା ପର୍ବତ
କଲା ତାଙ୍କୁ ପୁଲକିତ ।
ସୁନ୍ଦର ଶିଳାରେ, ସର ମୁନେ ବୀର
ଗଢିଲେ ସୁନ୍ଦର ମୂର୍ତ୍ତି
ମାଆ ସେ ଚର୍ଚ୍ଚିକା ଅଷ୍ଟଭୂଜା ଦେବୀ
ଜଗତର ଗତି ମୁକ୍ତି।
ନୃମୁଣ୍ଡ ମାଳିନୀ ଦଣ୍ଡାୟମାନ ସେ
ରଣାଷୁର ଶବପରେ
ଅଭୟ ବରଦା କରୁଣାମୟୀ ମାଆ
କରୁଣା ର ବାରି ଝରେ ।
ଧରିଛନ୍ତି ମାଆ ଡମ୍ବରୁ କଟାରୀ
ଖଣ୍ଡା ଶୂଳ ରକ୍ତ ପାତ୍ର
ଅଛି ହାତେ ପୁଣି କଟା ମୁଣ୍ଡ ଟିଏ
ରକ୍ତ ଝରେ ଝର ଝର ।
କାଳ ର କରାଳ ରୂପ ବିକଟାଳ
ଦେଖି ଲାଗେ ସିନା ଭୟ
କୋମଳ ହୃଦୟା ଭକତ ବତ୍ସଳା
ଅନାବିଳ ତାଙ୍କ ସ୍ନେହ ।
ଯେଉଁଠି ଡାକିଲେ ଯେମିତି ଡାକିଲେ
ଶୁଣନ୍ତି ଭକ୍ତ ର ଡାକ
ଆଶିଷ ର ବାରି ଢାଳି ଦେଇ ମାଆ
ଦୂର କରିଥାନ୍ତି ଦୁଃଖ।
ରୁଚିକା ଶିଖରେ ମାଆଙ୍କ ମନ୍ଦିର
ଶୋଭା ସମ୍ପଦ ରେ ଭରା
ପର୍ବତ ପାଦରୁ ମନ୍ଦିର ଯାଏତ
ରହିଛି ପାହାଚ ପରା ।
କାହିଁ କେତେ ଦୂରୁ ଭକତେ ଆସନ୍ତି
ମାଆଙ୍କର ନାଁ ଗାଇ
ମାଆଙ୍କ ଦର୍ଶନ ଭକ୍ତି ସମର୍ପଣ
ଦୁଃଖ ଯାଏ ସବୁ ଧୋଇ ।
ମାଆ ଚର୍ଚ୍ଚିକା ଙ୍କ ମନ୍ଦିର ଆଗରେ
ସୁନ୍ଦର ମଣ୍ଡପ ଟିଏ
ଶୂନ୍ୟ ବାହିନୀ ସେ ମଣ୍ଡପର ନାଁ
ପୂରାଣର ଗାଥା ଗାଏ ।
କାଠରେ ତିଆରି ମଣ୍ଡପର ଛାତ
ଲେଖା ଭାଗବତ ବାଣୀ
ରଙ୍ଗ ବେରଙ୍ଗର ପଶୁପକ୍ଷୀ ଚିତ୍ର
ଆଖିକୁ ନିଅଇ ଟାଣି ।
ବ୍ରାହ୍ମଣ ପୂଜିତା ମାଆ ମୋ ଚର୍ଚ୍ଚିକା
ନିତି ହୁଏ ହୋମ ଯଜ୍ଞ
ମାଆଙ୍କ ପାଖରେ ଅନ୍ନ ଲାଗିହୁଏ
ହୁଅଇ ଆଇଁଶ ଭୋଗ ।
ପ୍ରଭାତ ରେ ହୁଏ ମଙ୍ଗଳ ଆଳତୀ
ମଧ୍ୟାହ୍ନେ ମଧ୍ୟାହ୍ନ ଧୂପ
ସନ୍ଧ୍ୟା ରେ ହୁଅଇ ଅପୂର୍ବ ଆଳତୀ
ଧୋଇ ଦିଏ ପାପ ତାପ ।
ବାରମାସେ ତେର ପରବ ହୁଅଇ
ଉଛୁଳେ ମାଆଙ୍କ ପୀଠ
ଜୟ ମା ଚର୍ଚ୍ଚିକା ଜୟ ମା ଚର୍ଚ୍ଚିକା
ଚଉଦିଗ ମୁଖରିତ ।
ଆଶ୍ୱିନ ମାସରେ ଦଶହରା ପାଇଁ
ଷୋଳ ଦିନ ହୁଏ ପୂଜା
ଅଖଣ୍ଡ ଜଳଇ ଘଟ ପୂଜା ହୁଏ
ବାଜଇ ମଙ୍ଗଳ ବାଜା ।
କୁମାର ପୂର୍ଣ୍ଣିମା ମାଆ ଚର୍ଚ୍ଚିକା ଙ୍କ
ସବୁଠାରୁ ବଡ଼ ପର୍ବ
ଭକ୍ତ ମାନଙ୍କୁ ମା ଦର୍ଶନ ଦିଅନ୍ତି
ହୋଇ ସେ କୁମାରୀ ବେଶ ।
ବରଷକେ ଥରେ ମାଆଙ୍କ ସେ ବେଶ
ଦେଖିବାକୁ ଭିଡ଼ ଭାରି
ହସହସ ସେହି ବେଶରେ ମାଆ ତ
ଢାଳନ୍ତି କରୁଣା ବାରି ।
ହେ ମାଆ ଚର୍ଚ୍ଚିକା ଜଗତ ର ମାତା
ଆଦିମାତା ଆଦିଶକ୍ତି
ଅନନ୍ତ ଅସୀମ ମହିମା ମୟୀ ଗୋ
ଶକ୍ତିଦାତ୍ରୀ ମୁକ୍ତିଦାତ୍ରୀ ।
ତୁମକୁ ସ୍ମରଣ କରି ଗୋ ଜନନୀ
ତୁମ କଥା ବଖାଣିଲି
ଦୋଷା ଦୋଷ କୁ ମୋ କ୍ଷମା ଦେବ ମାଆ
ଦିଲ୍ଲୀପ କରଇ ଅଳି ।।