ମା' ଲକ୍ଷ୍ମୀଙ୍କ ରଜଭାର

ପାଖେ ଶ୍ରୀମନ୍ଦିର ପାଖେ ବଇକୁଣ୍ଠ 

   ମଝିରେ ଲକ୍ଷ୍ମୀ ମନ୍ଦିର

ନୀଳଚକ୍ରେ ଉଡ଼େ ପତିତପାବନ 

   ଜଗନ୍ନାଥ ତାଙ୍କ ବର l

ରଜ ପରବରେ ଆସିଥିଲା ତାଙ୍କ 

   ବାପ ଘରୁ ଫଳ ଭାର

ଅତି ଯତନରେ ପଠିଆଇ ଥିଲେ 

   ବାପ ତାଙ୍କ ରତ୍ନାକର l

ରସାଳ, ପଣସ, ଖର୍ଜୁର,ସପୁରି 

   ତା ସଙ୍ଗତେ ସଜ ତାଳ

ତରଭୁଜ,ଜାମୁ,କାକୁଡି,କମଳା 

   ଭଇଁଚ ଓ ଜାମୁ ରୋଳ l

ନାନା ଜାତି କୋଳି ଆସିଅଛି ପୁଣି&nbs

Advertisement

p;

   କୋଳି ଖିଆ ଜଗନ୍ନାଥ

ଶବରୀ ଅଇଁଠା କୋଳି ଖାଇ ତାର 

   ନାମ ହୋଇଛି ବିଖ୍ୟାତ l

କଳ୍ପବଟ ପରେ ରାମଦୂତ ଦଳେ 

    ହେଉ ଥିଲେ ରମ୍ପା ରମ୍ପି

ସେବକେ ଖୋଲିଲେ ଭାର ଯେତେବେଳେ 

    ନେଇ ପଳାଇଲେ ଝାମ୍ପି l

ଲକ୍ଷ୍ମୀ ବୋଲେ ଧନ୍ୟ ଆହେ ଲୀଳାମୟ 

    ଧନ୍ୟ ମୁହିଁ ଭାଗ୍ୟବତୀ

ବାପ ରଜଭାର ପଂକ୍ତି ଭୋଜ୍ୟ ହେଲା 

     ଧନ୍ୟ ହନୁମନ୍ତ ପନ୍ତି l