ବନ୍ଦୀ

ଏକା ମୁଁ ବନ୍ଦୀ ନୁହେଁ,

ଏ' ସୃଷ୍ଟି ବନ୍ଧନ ଯୁକ୍ତ |

ମୁକ୍ତିର ମଶାଲ ଜାଳ ବା ନ ଜାଳ-

ମିଛ ଅଭିନୟ କିଏ କରୁ ବା ନ କରୁ-

କେହି କେବେ ହେବେନାହିଁ ମୁକ୍ତ |

ଜନ୍ମ ପୂର୍ବରୁ ମାତୃଗର୍ଭରେ ଭୃଣ ହୋଇଥାଏ ବନ୍ଦୀ,

ଭୂମିସ୍ପର୍ଶ ମାତ୍ରେ ଶିଶୁ ହୋଇଯାଏ-ମାଆ କୋଳେ ବନ୍ଦୀ|

ସ୍କୁଲରେ ବନ୍ଦୀ ପୁଣି କଲେଜରେ ବନ୍ଦୀ,

ଅଫିସରେ ବନ୍ଦୀ ପୁଣି ସମାଜରେ ବନ୍ଦୀ |

ଭକ୍ତ ହୃଦୟରେ ନିଜେ ବନ୍ଦୀ ଭଗବାନ,

ଅପରାଧୀ ବନ୍ଦୀହୁଏ କୁକର୍ମ ଦୋଷରେ |

କପଟ ପଣରେ ଛନ୍ଦା ହେଉଛି ମଣିଷ,

ପରମାତ୍ମାଙ୍କ ଅଦୃଶ୍ୟ ରଜ୍ଜୁରେ ବନ୍ଧା ପ୍ରତିଜୀବ ଆତ୍ମା |

ବନ୍ଦୀଶାଳାରେ ପୁଣି ଶ୍ରୀକୃଷ୍ଣଙ୍କ ଜନ୍ମ-

ବନ୍ଦୀ ହୁଏ ରାଜା,

ବନ୍ଦୀ ସୈନିକ କେବେ ଅସହାୟ ନୁହେଁ,

ନେତା ଦେଶପ୍ରେମୀ ବନ୍ଦୀ, ଗଣା ହୁଏନା ବନ୍ଦୀରେ |

ଅସଲ ବନ୍ଦୀ ତ ଅଛି ଇତିହାସେ ଲେଖା,

ପୁତ୍ରଦ୍ୱାରା ପିତା ବନ୍ଦୀ କରୁଣ କାହାଣୀ,

ରାଜା ବିମ୍ବିସାର ଆଉ ଶାହାଜାହାନ କେବଳ ନମୁନା |