ଲୋଡ଼ା ନାହିଁ
ଲୋଡ଼ା ନାହିଁ
ଏତେ ଉଚ୍ଚରେ ମୋତେ ନ ବସାଅ
ପ୍ରଭୁ ହେ ! ପୃଥିବୀ ପର ହୋଇ ନ ଯାଉ ।
ଏତେ ଖୁସି ଵି ନ ଦିଅ କେବେ ଯେ
ପର ଦୁଃଖ ଦେଖି ମୋ ମନ ହସୁଥାଉ ।।୧।।
ଲୋଡ଼ା ନାହିଁ ସେମିତି ଶକ୍ତି ହିଁ
ଯଦି ନିର୍ଵଳ ଉପରେ ତା’ ପ୍ରୟୋଗ କରେ ।
ଚାହେଁ ନା ଏମିତି ଭାଵ କି କାହାକୁ
ଦେଖି ଦେଖି ହିଁ ମୋ ହୃଦୟ ଇର୍ଷା କରେ ।।୨।।
ଏତେ ଜ୍ଞାନ ନଦିଅ ହେ ଈଶ୍ଵର
ଯେ ଖାଲି ଅଭିମାନେ ବୁଡି଼ ମରୁଥିବି ।
ଦିଅନା ସେମିତି ବୁଦ୍ଧି ଯା ବଳେ ମୁଁ
ଠକି ଠକି ଆନ କୁ ମାରୁଥିବି ।।୩।।
ଲୋଡେ଼ ନାହିଁ ଏସବୁ ଠାକୁରେ
ସବୁ ପାଇଗଲେ ଯଦି ପଶୁ ହେବି ।
ବରଂ ନଥାଉ ତେବେ କିଛି ହେ
ମୁଁ ତଥାପି ଆନନ୍ଦେ ଜୀଵନ ଜୀଇଁଯିବି ।।୪।।