କ୍ଷୁଦ୍ରତୃଣ ପରି

କ୍ଷୁଦ୍ର ତୃଣ ପରି ଜୀବନ ମୋହର

ଅସାର ସଂସାରେ ନିଃସଙ୍ଗ ନଶ୍ବର

ସମୟ ମୋହର ଅତ୍ୟଳ୍ପ ସଂସାରେ

ତଥାପି ବଞ୍ଚେନା କାହାର ଦୟାରେ

ଚାହେଁ ସଂସାର ମଙ୍ଗଳକାମନା

ନାହିଁ ମନରେ କଞ୍ଚିତ ବାସନା

କ୍ଷୂଦ୍ର ତୃଣପରି...

ଦେଲେ ନିଏ ନାହିଁ ଦୟା କି ଆଦରେ

ପରିଶ୍ରମ କରି ତାହା ପ୍ରାପ୍ତକରେ

କୁହନ୍ତି ଜଗତେ ଯାଯାବର ମୋତେ

ଭିକାରୀ ସନ୍ୟାସୀ ନାମ କେତେ କେତେ

କ୍ଷୂଦ୍ର ତୃଣ ପରି...

ସ୍ବାଭିମାନ ମୋର ଅମୂଲ୍ୟ ସମ୍ପଦ

ମୋ ମନ ଖୋଜେନା ସୁରମ୍ୟ ପ୍ରାସାଦ

ଅଳ୍ପରେ ସନ୍ତୁଷ୍ଟ ଜୀବନ ମୋହର

ଆଶା କରେ ନାହିଁ ରାଜସମ୍ମାନର

କ୍ଷୂଦ୍ରତୃଣ ପରି...