Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra
Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra

DILIP KUMAR SAHOO

Classics


4  

DILIP KUMAR SAHOO

Classics


କରୋନା କୋପରେ ରଜ

କରୋନା କୋପରେ ରଜ

1 min 211 1 min 211

ଗାଆଁ କୁ ଆସିଛି ରଜ,

        ନାହିଁ ଆଉ ସଜବାଜ l

 ତୋଟାରେ ଝୁଲୁନି ଦୋଳି

        ପଡୁ ନାହିଁ ତାଆସ ପାଲି l

 ରଜ ମିଠା ପାନ କାହିଁ

         କରୋନାର କଳା ଛାଇ l

 ଚୁନାକୁଟା ବିରିବଟା

        ହେଉ ନାହିଁ ପାନବଣ୍ଟା l

 ଝିଅ ବୋହୂ ହୁଅନ୍ତିନି ସଜ

        ରଜ ରଜ ରଜ ।।


 ମହକୁନି ପୋଡପିଠା

        ନାହିଁ ତା ସୁଆଦ ମିଠା l

 ଖୋଲୁନି ବଜାରଘାଟ

        କିଣା ହେଲାନାହିଁ ପାଟ l

 ଘରଣୀଙ୍କ ମନ ଉଣା

       କରୋନାର କଟକଣା l

ଏ ସନ ରଜରେ ବୁଲା

      ହେଉ ନାହିଁ ହୋହଲ୍ଲା l

ଅଜାଙ୍କ ମୁହଁକୁ ଚାହିଁ

     ବସିଛି ପାକେଇ ଆଈ l

ନାହିଁ ଲୁଡୁ ପଶା ପାଲି

     ଚାରିଆଡେ ଖାଲି ଖାଲି l

କରୋନା ତ ଲୁଟିନେଲା

      ମଣିଷର ତେଜ

      ରଜ ରଜ ରଜ ।।


ରଜରେ କାନ୍ଦୁଛି ଗାଆଁ

      ବାଟଘାଟ ଖାଁ ଖାଁ l

କରୋନା ତ ନେଲା ଲୁଟି

      ମଣିଷର ସୁଖ ଶାନ୍ତି l

ସୁନାଘର ଚୁନା ହେଲା

     ପିଲାଙ୍କୁ ଛେଉଣ୍ଡ କଲା l

ବୁଢୀ ମାଆ ବୁଢା ବାପ

     କରୋନା କରିଲା କୋପ l

ପୋଷିଲା ପୁଅକୁ ନେଲା

     ଘରକୁ ଉଜାଡି ଦେଲା l

କରୋନା ତ କରେ ଆଜି

    ଦୁନିଆକୁ ଦହଗଞ୍ଜ

    ରଜ ରଜ ରଜ ।।


 ଆଖି ଜମା ପାଉନାହିଁ

    କରୋନାର ଶେଷ କାହିଁ l

ମହାମାରୀ ମହାକାୟା

    ନାହିଁ ତାର ଦୟାମାୟା l

ଆଉ ପୁଣି କେତେ ଦିନ

    ହେବନି ପୂଜା ପାର୍ବଣ l

କେତେ ଦିନ କଟକଣା

    କରୁଥିବ ବାଟବଣା l

ପ୍ରଭୁହେ ତୁମକୁ ଜଣା

    କରୁଣା କରନି ଉଣା l

ତୁମେ କଲେ ଦୟା ପ୍ରଭୁ

     କରୋନା ହେବନି ବୋଝ

     ରଜ ରଜ ରଜ ।।

    

    

    

    

 

               

 

     


Rate this content
Log in

More oriya poem from DILIP KUMAR SAHOO

Similar oriya poem from Classics