କର୍ମ ହିଁ ଭଗବାନ

ଆତ୍ମାର ପ୍ରକୃତି ସର୍ବଦା କର୍ମଠ

ଶରୀର ସେପରି ନୁହେଁ

ଶରୀର ଅଟଇ ମୃତ ଯାନ ପରି

କ୍ଷଣେ ବି ବନ୍ଦ ନ ରୁହେ।

କର୍ମେନ୍ଦ୍ରିୟଙ୍କୁ ଦମନ ନକରି

ଇନ୍ଦ୍ରିୟ ଭୋଗ ଚିନ୍ତା କରେ

ଛଳନାକାରୀ ତାକୁ ହିଁ କହିବା

ଥାଏ ସେ ଭୂଲ୍ ମାର୍ଗରେ।

ଯେଉଁ ନର କରେ କାର୍ତ୍ତବ୍ଯ କର୍ମ

ଫଳରେ ଆଶା ନ କରେ

ଠାକୁରେ ତାହାକୁ ଦିଅନ୍ତି ଆଶିଷ

ବିନା କର୍ମେ ପଙ୍ଗୁ ହୁଏ।

କର୍ମ ଫଳ ପ୍ରତି ଆସକ୍ତି ନହୋଇ

କର୍ତବ୍ଯେ କର୍ମ ଯେ କରେ

ଅନାସକ୍ତ ଭାବେ କର୍ମ କରିଥିଲେ

ପରମଗତି ପ୍ରାପ୍ତ ହୁଏ।

କୃଷ୍ଣ ଅର୍ଜୁନଙ୍କୁ ବୁଝାଇ କହିଲେ

ନ କଲେ କର୍ତବ୍ଯ କର୍ମ

ସମାଜରେ କେବେ ନ୍ୟାୟ ମିଳିବନି

ଅଧର୍ମ ପ୍ରତିଷ୍ଠା ଏହାର ମର୍ମ।

ଗୀତା ଭାଗବତ ଅମୂଲ୍ଯ ସମ୍ପଦ

ନ୍ଯାୟ ଅନ୍ଯାୟର ତର୍ଜମା କଥା

ଏହାକୁ ବୁଝିଲେ ମଣିଷ ସମାଜ

ସଠିକ୍ ମାର୍ଗର ଗୋପନ କଥା ।

ସମାଜର ଚାଳିକା ଶକ୍ତିରେ ଶ୍ରମ କର୍ମ

ଅଟଇ ଗୁରୁତ୍ୱପୂର୍ଣ୍ଣ

ସେଇଥିପାଇଁ କଥାରେ ଅଛି

"କର୍ମ ହିଁ ଭଗବାନ"।