କରି ନିଅ ଆଲିଙ୍ଗନ
କରି ନିଅ ଆଲିଙ୍ଗନ
1 min
166
ତୁମ ଆଲିଙ୍ଗନ ଚାହୁଁ ଅଛି ପ୍ରଭୁ
ଚାହୁଁ ନାହିଁ ଆଉ କିଛି
ଯୁଗେ ଯୁଗେ ତୁମ ଆଲିଙ୍ଗନ ପାଇ
ଭକତ ଧନ୍ୟ ହୋଇଛି ।
ତ୍ରେତୟା ଯୁଗରେ ରାମ ଅବତାରେ
ମିତ୍ରଟିଏ ତୁମେ ପାଇଲ
ବାଳିକୁ ନିଧନ ସୀତାଙ୍କୁ ସନ୍ଧାନ କରିବାକୁ
ସୁଗ୍ରୀବକୁ ଆଲିଙ୍ଗନ କଲ ।
ତୁମରି ଭକତ ବୀର ହନୁମାନ
ବ୍ରାହ୍ମଣ ବେଶେ ଆସିଲେ
ତୁମକୁ ପାଇ ଭକ୍ତିରେ ତୁମକୁ
ଆଲିଙ୍ଗନ କରିଥିଲେ ।
ଦ୍ଵାପର ଯୁଗରେ ସୁଦାମାକୁ ତୁମେ
ମିତ୍ର ରୂପେ ଗ୍ରହଣ କଲ
ମିତ୍ର ପ୍ରେମରେ ବିଭୋର ହୋଇ
ସୁଦାମାକୁ ଆଲିଙ୍ଗନ କଲ ।
କଳି ଯୁଗେ ତୁମେ ରତ୍ନ ସିଂହାସନେ
ଭୁଜକୁ ବିସ୍ତାରି ବସି ଅଛ
ଭକତକୁ ତୁମେ ଆଲିଙ୍ଗନ କରିବାକୁ
ନୀଳାଚଳେ ଧାମେ ରହି ଅଛ ।