କୋଣାର୍କ

କୋଣାର୍କ ତୁମ 

ଭଗ୍ନ କୋଣାର୍କେ 

ସ୍ବପ୍ନ ଅନେକ 

ଦେଖିଥିଲା କେବେ କିଏ 

ମଗ୍ନ ବିଧୁରା ଅଳସୀ ଆଖିରେ 

ନର୍ତ୍ତକୀ ଗଢିଲା ଯିଏ 

ସୂର୍ଯ୍ୟ ଦେବତାଙ୍କୁ 

ଆବାହନୀ କରି ସକାଲରେ 

ସ୍ୱାଗତ ସଂଗୀତ ଗାଏ ଯିଏ 

କେ ବାଯାଏ ବୀଣା 

କିଏ ଶୃଙ୍ଗାରେ ଜିଣା 

ନୃତ୍ୟ ମଦିରା ପିଏ 

ଭଗ୍ନ କୋଣାର୍କେ ନଗ୍ନ ନର୍ତ୍ତକୀ 

ଆଜି ବି ସେକଥା କହେ 

ନିହାଣ ମୁନରେ 

କେଉଁ ଶିଳ୍ପୀ ର ହସ୍ତେ 

ପରଶେ ସରସ ହୁଏ

ସୂର୍ଯ୍ୟ ଦେବତାଙ୍କ ଆବାହନୀ ପାଇଁ 

ଏତେ ସୁନ୍ଦରେ ସଜାଇ ଥାଏ 

ଭଗ୍ନ କୋଣାର୍କ 

ପ୍ରତିଟି ପ୍ରସ୍ତର 

ଆଖିରେ ଲୁହ ଜାଗାଏ 

ଆଜିବି କୋଣାର୍କ 

ସୂର୍ଯ୍ୟ ଦେବତାଙ୍କୁ 

ତା ଆଡ଼େ ବାଟ କଢ଼ାଇ ନିଏ 

ସୂର୍ଯ୍ୟଙ୍କ କିରଣେ 

ପ୍ରତିଟି ଶିଳ୍ପ ସୌନ୍ଦର୍ଯ୍ୟ ରେ 

ପରଦେଶୀ ମନ୍ତ୍ରମୁଗ୍ଧ ହୁଏ 

ନହୋଇ ରହିଛି ଅବା କିଏ?