Library
Profile
କି ଲାଭ ଅଛି ?
କି ଲାଭ ଅଛି ?
କି ଲାଭ ଅଛି ଏମିତି ଜୀବନରେ
କି ଶୁଭ ଅଛି ଏମିତି ଜିଇଁବାରେ
ଶଙ୍ଖା ସିନ୍ଦୁର ପାଣିଗ୍ରହଣ
ନାମକୁ ମାତ୍ର ଧାରଣ
ଏକ ଛାତ ତଳେ ଜୀବନଯାପନ
ସାମାଜିକ ବାରଣ କାରଣ ।
ମନରେ ଆଉ ଜଣେ ନିତି ଆସୁଥିବ
ହୃଦୟରେ ଆହୁରି ଜଣେ ବସୁଥିବ
ସ୍ସନ୍ଦନରେ ବେଳ ଅବେଳରେ ପଶୁଥିବ
ସ୍ମୃତି ଆଇନାରେ ମୁରୁକି ହସରେ ଗପୁଥିବ ।
ଶରୀର ସହିତ ଜଣେ
ଅଶରୀର ସହିତ ଆଉ ଜଣେ
ଶେଜ ସହିତ ଜଣେ
ଆତ୍ମା ସହିତ ଆଉ ଜଣେ
ପତି ଜଣେ
ପରମେଶ୍ଵର ଆଉ ଜଣେ ।
ସମାଜର ବଡ଼ପଣ୍ଡା ମାନେ
ତଥାକଥିତ ଅଭିଭାବକ ମାନେ
କଡ଼ାମୂର୍ତ୍ତି ପିତା-ମାତା ମାନେ
ପ୍ରେମ ସହ ବଂଶ ପରମ୍ପରା
ସ୍ନେହ ସହ କୂଳ ଆଭିଜାତ୍ୟ
ଭଲ ପାଇବା ସହିତ ଚାକ
ିରୀ
କୁ ଫିଙ୍ଗି ଭାଙ୍ଗି
ମାନସିକତାରେ ପରିବର୍ତ୍ତନ ଟାଙ୍ଗି ।
ପୁଅ-ଝିଅର ମନ
ମନ ତଳେ ସାଇତା ଇଚ୍ଛା-ସପନ
ଇଚ୍ଛା ତଳେ ଦ୍ରବିତ କୋମଳ ଅଭିପ୍ସା- ସ୍ପନ୍ଦନ
ସହିତ ସୁନ୍ଦର ବ୍ୟବହାର
ସ୍ନେହିଳ କରିଲେ ଗୁପ୍ତାଚାର ।
ଦୁହିଁଙ୍କ ମନ ଯେଉଁଠି ରାଜି
ଦୁହିଁଙ୍କ ପ୍ରାଣ ଯେଉଁଠି ମାରୁଛି ବାଜି ।
ପରିବାର ପ୍ରତିବନ୍ଧକ ହେଲେ
ରାସ୍ତା ଓଗାଳି ଛିଡ଼ା ହେଲେ ।
ଦୁଇ ଛୁଆ ଛାଡ଼ି ରମଣୀ
ରାତିରେ ଫେରାର୍ ହେଲାଣି
ବାହା ବେଦୀରୁ ଚମ୍ପଟ ମାରିଲାଣି
ବାଇକ୍ ପଛରେ ଲମ୍ପଟ ସାଥିରେ
ଜଡି ଭିଡ଼ି ଉଡ଼ି ଗଲେଣି ।
ଅନୁରୋଧ କେବଳ ସ୍ନେହ ସ୍ବଭାବର
ଅନ୍ତରାୟ କେବଳ ଚିନ୍ତା ଚେତନାର
ଜାଗରଣ କେବଳ ବିଶାଳ ହୃଦୟର ।
