ଲାଇବ୍ରେରୀ
ପ୍ରୋଫାଇଲ୍
ଆପେ ଆପେ ଲମ୍ବିଯାଉ
ଆପେ ଆପେ ଲମ୍ବିଯାଉ
1 min
350
ଶ୍ରଦ୍ଧା ସହିତ ତର୍ପଣ ସମର୍ପଣ
ସଫଳତାର ତିନୋଟି ସ୍ତମ୍ଭ ଅର୍ପଣ
ବଳିଦାନ ସହିତ କ୍ରୋଧ ଲାଳନ ପାଳନ
ପରିସ୍ଥିତିକୁ ନେଇ ତୁଣ୍ଡ କୁଞ୍ଚନ ଗର୍ଜନ
ମୋ ମତରେ ବୋଧେ ସତ୍ୟ ଦର୍ପଣ
ପ୍ରେମ ହେଉ ମୀରାବାଈ ପରି ବୈରାଗ୍ୟ
ପ୍ରତୀକ୍ଷା ହେଉ ଶବରୀ ସରି ସୌଭାଗ୍ୟ
ଭକ୍ତି ହେଉ ପବନପୁତ୍ର ସୁମରି ଆହୋଭାଗ୍ୟ
ଶିଷ୍ୟ ହେଉ ଏକଲବ୍ୟ ପରି ଆଦର୍ଶ ଗିରି
ବନ୍ଧୁ ହେଉ କୃଷ୍ଣ ସୁଦାମା ଯୁଗ୍ମ ଯୋଡି ଆବୋରି
ଜୀବନ ହେଉ କରୁଣାସିକ୍ତ ଅନ୍ତସ୍ଵର ପ୍ରହରୀ
ଭାଇ ହେଉ ଭରତ ପରି ଅଗ୍ରଜ ଅନୁସରି
ଭଉଣୀ ହେଉ ସୁଭଦ୍ରା ପରି ଜଗାବଳିଆର ପରୀ
ବାପ ହେଉ ଅଯୋଧ୍ୟା ନରେଶ ଦଶରଥ ସବୁରି
ବୋଉ ହେଉ ମା' ଯଶୋଦା ବାତ୍ସଲ୍ୟନଗରୀ
ସବୁରି ମୂଳରେ ତ୍ୟାଗ ତପସ୍ୟା ରହୁ
କହିବା ଆଗରୁ ମାଗିବା ପୂର୍ବରୁ
ସମସ୍ୟା ଆଗରୁ ଜଞ୍ଜାଳ ପୂର୍ବରୁ
ବିପଦ ଆଗରୁ ଉଧାର ପୂର୍ବରୁ
ସାହାଯ୍ୟର ହାତ ଆପେ ଆପେ ଲମ୍ବିଯାଉ
ସମାଧାନର ସୂତ୍ର ବାହାରିଯାଉ ପ୍ରସରିଥାଉ
