Library
Profile
କି ହେବ ନେତା ହୋଇଲେ
କି ହେବ ନେତା ହୋଇଲେ
କି ହେବ ନେତା ହୋଇଲେ !
ଜନତାଙ୍କୁ ନ ଶୋଷିଲେ,
ପେଟ ପୁରା ନ ଖାଇଲେ,
କି ହେବ ନେତା ହୋଇଲେ ! (୨)
ନେତାଙ୍କୁ ଶୋଭା ଦିଶେ ମୁଣ୍ଡେ, ଛତାଟି ଥିଲେ
ଛତାଟି ଥିଲେ,
ଛତା ଥିଲେ କି ହୋଇବ, ଲୋକଙ୍କୁ ଚିତା କାଟି ନ ପାରିଲେ
କି ହେବ ନେତା ହୋଇଲେ !
ଜନତାଙ୍କୁ ନ ଶୋଷିଲେ,
ତାଙ୍କ ତଣ୍ଟି ନ ଚିପିଲେ,
କି ହେବ ନେତା ହୋଇଲେ ! (୨)
ନେତାଙ୍କୁ ହରଷ ଆସେ, ଯୋଜନା କଲେ
ଯୋଜନା କଲେ,
ଯୋଜନା କଲେ କି ହୋଇବ , ଅର୍ଥ ମିଳି ନ ପାରିଲେ
କି ହେବ ନେତା ହୋଇଲେ !
ଜନତାଙ୍କୁ ନ ଶୋଷିଲେ,
ପେଟ ପୁରା ନ ଖାଇଲେ,
କି ହେବ ନେତା ହୋଇଲେ ! (୨)
ଦକ୍ଷ ନେତା ଜଣାପଡ଼େ, ସ୍କାମ କଲେ
ସ୍କାମ କଲେ,
ସ୍କାମ କଲେ କି ହୋଇବ, ତଦନ୍ତକୁ ବାଟବଣା ନ କରିଲେ,
କି ହେବ ନେତା ହୋଇଲେ !
ଜନତାଙ୍କୁ ନ ଶୋଷିଲେ,
ତାଙ୍କ ତଣ୍ଟି ନ ଚିପିଲେ,
କି ହେବ ନେତା ହୋଇଲେ ! (୨)
ନେତାଙ୍କୁ ସୁହାଏ ସମାଜ ଗୋଳିଆ ହେଲେ
ଗୋଳିଆ ହେଲେ,
ଗୋଳିଆ ହେଲେ କି ହୋଇବ, ଫାଇଦା ଉଠାଇ ନ ପାରିଲେ
କି ହେବ ନେତା ହୋଇଲେ !
ଜନତାଙ୍କୁ ନ ଶୋଷିଲେ,
ତାଙ୍କ ତଣ୍ଟି ନ ଚିପିଲେ,
କି ହେବ ନେତା ହୋଇଲେ ! (୨)
କି ହେବ ନେତା ହୋଇଲେ !
ଜନତାଙ୍କୁ ନ ଶୋଷିଲେ,
ପେଟ ପୁରା ନ ଖାଇଲେ,
କି ହେବ ନେତା ହୋଇଲେ ! (୨)
