କେବେ ଦମ୍ଭ ଆସିବ ଲଢିବାକୁ

ସଫଳତା ପାଇଁ ଲୋଡା 

ବୁଦ୍ଧି ଓ ବିବେକ,

ପୂର୍ବ ପ୍ରସ୍ତୁତି ଓ ଲକ୍ଷ୍ଯ ପଥ 

କରିବ ସଳଖ ।

ଲକ୍ଷ୍ଯ ପୂରଣ ନିମନ୍ତେ ପ୍ରସ୍ତୁତି 

ତ ଲୋଡା,

ଏହାର ଅଭାବେ ମରୀଚିକାରେ 

ହେବା ଛିଡା ।

ସମାଜରେ ଏମିତି ଅନେକ 

ମଣିଷ ଅଛନ୍ତି

ଖାଲି ଚିକ୍କଣିଆ କଥା କହି 

ମନକୁ ମୋହନ୍ତି ।

ଅନେକ ମନୁଷ୍ୟ ଉପରକୁ 

ଉଠନ୍ତି ସମାଜରେ  

ପକାଇ ଗୋଡକୁ ଅନ୍ଯ ମଣିଷ 

ପିଠି ଉପରେ ।

ପୁଂଜିପତି ହୁଅନ୍ତି, ଖଟିଖିଆଙ୍କର 

ଶ୍ରମ ଶୋଷଣରେ,

ଆହା ପଦେ ନାହିଁ, ଦୁଃସ୍ଥତାକୁ 

ଦେଖି ଚାଲନ୍ତି ଗର୍ବରେ ।

ଆମ ଦେଶରେ ଅଛନ୍ତି ଯେତେ 

ମଙ୍ଗୁଆଳ,

ବଡ କଥା, ଯୋଜନା କାଗଜେ, 

ଫାଟେ ଜନତା-କପାଳ ।

ଆଜିର ପୀଡ଼ା ସହିଲେ କାଲି 

ପାଇବା ନୂଆ ଜୀବନ 

ସଂଗ୍ରାମ କଲେ ମୁକ୍ତି ମିଳିବ 

ନରହିବ ଶୋଷଣ କଷଣ ।

ପ୍ରଶ୍ନ ଆସୁଛି ମନରେ କିଏ 

ବଦଳାଇବ ଏ ଧାରାକୁ

ମାନବର ମୁକ୍ତି ପାଇଁ କେବେ 

ଦମ୍ଭ ଆସିବ ଲଢିବାକୁ ।