କାହ୍ନା
କାହ୍ନା
ଆସ ଲୋ ସଜନୀ ଯିବା ,ନନ୍ଦ ଘରେ ମିଶିବା
ଅନେକ ବର୍ଷ ରେ,ଯଶୋଦ୍ଧା କୋଳ ରେ
ଆସିଛି ସେ ନନ୍ଦ ଲାଲା
କୋଳ ରେ ଧରିବା,କାହ୍ନାକୁ ଦେଖିବା ।
ଫୁଲ ରେ ସଜାଇ ଦେବା
ଗୋପ ର ଦଣ୍ଡ କୁ
ଦାନ ପୁଣ୍ୟ ଲୋ କରିବା
ଡାକି ବିପ୍ର ଗଣଙ୍କୁ
ଦୀପାଳି ସଜ କରିବା,ଘରେ ଘରେ ଜାଳିବା
ଭାଦ୍ରବ ମାସରେ ,ଅନ୍ଧାର ରାତିରେ
ଆସିଛି ସେ ନନ୍ଦ ଲାଲା
ଉତ୍ସବ କରିବା ,ସଭିଏଁ ନାଚିବା ।
ଲବଣୀକୁ ରଖିଥିବା
ଚାହଁି କାହ୍ନା ପଥକୁ
ଯମୁନା କୂଳରେ ଥିବା
ଆସିବ କଦମ୍ୱକୁ
କାହ୍ନା କୁ ମନ ଲୋ ଦେବା,ପ୍ରେମ ରେ ବାନ୍ଧି ହେବା
ଚାନ୍ଦିନି ରାତିରେ ,କୁଞ୍ଜ କାନନ ରେ
ଆସିବ ସେ ନନ୍ଦଲାଲା
ବଇଁଶୀ ଶୁଣିବା,ଭାବରେ ହଜିବା ।