କାହିଁକି

କାହିଁକି ?

କାହିଁକି ତୋ'ପାଇଁ

ମୋ ମନରେ ଏତେ ସମ୍ମୋହନ

କାହିଁକି ତତେ ଥରେ ନ ଦେଖିଲେ

ବୁଝେନି ମୋ ମନ

କାହିଁକି ତୋ'ପାଇଁ ମୋ ଆଖି ହୁଏ ଓଦା

କାହିଁକି ତୋ'କଥା ଭାବି ଦେଲେ

ଏ ହୃଦୟ କାନ୍ଦେ ସଦା।

ତୁ'ତ ଚାଲିଗଲୁ ମୋ ବିଶ୍ୱାସର

ବାଲିଘର ଡେଇଁ

କିନ୍ତୁ ଏବେବି ଏ ନେତ୍ର

ତୋ'ଫେରନ୍ତା ପଥକୁ ଅପଲକ ନେତ୍ରେ

ରହିଛି ଅନାଇ 

କାହିଁକି ତୋ'ପାଇଁ ମୋ ହୃଦୟରେ

ଜଳୁଛି ଅନଳ

କାହିଁକି ତୋ'ବିନା ଏ ହୃଦୟ 

ଡହଳ ବିକଳ ।

କାହିଁକି ତୁ'ବୁଝିଲୁନି ଆମ ସମ୍ପର୍କର ମୂଲ୍ୟ

କେଉଁ ଦୂର ଦୀଗ୍ ବଳୟେ ହଜିଗଲା

ଆମ ସମ୍ପର୍କର ସେ ଅମୃତ ବେଳା

ଯେତେ ବୁଝାଇଲେ କାହିଁ

ଏ ମନ ବୁଝେନି

କାହିଁକି ଏତେ ଆଲୋଡନ

ମୋ ମନରେ ତୋ'ପାଇଁ 

କାହିଁକି ଏ ଅବୁଝା ମନକୁ ମୁଁ ପାରୁନି ବୁଝାଇ ।