ଲାଇବ୍ରେରୀ
ପ୍ରୋଫାଇଲ୍
କାହିଁକି କାନ୍ଦିବି ପ୍ରଭୁ ହେ
କାହିଁକି କାନ୍ଦିବି ପ୍ରଭୁ ହେ
1 min
158
ତୁମେ ଥାଉଁ ଥାଉଁ ମୁଁ
କାହିଁକି କାନ୍ଦିବି ପ୍ରଭୁ ହେ...
ଯଶ ତୁମ ଧୋଇଯିବ
ମୋ ଦୁଇ ଆଖିର ଲୁହେ...
କାହିଁକି କାନ୍ଦିବି ପ୍ରଭୁ ହେ... (ଘୋଷା)
ତୁମ ଭରସା ବିଶ୍ଵାସ
ହୃଦେ ମୋ କରିଛି ବାସ
ମୁଖେ ଦେଇ ମଧୁ ଭାଷ
ଓଠରେ ଭରିଛ ହସ।
ତୁମେ ଥାଉଁ ଥାଉଁ ମୁଁ ...
ଦେଇଛ ଆଲୋକ ତୁମେ
ଏ ସମଗ୍ର ଧରାଧାମେ
ଦେଖୁଛି ମୁଁ ମୋ ନୟନେ
ସବୁ ତ ତୁମରି ନାମେ।
ତୁମେ ଥାଉଁ ଥାଉଁ ମୁଁ ...
ମୋତେ ଦେଇଛ ଜନମ
କରିବାକୁ ସୁକରମ
କଲେ କିଛି ବ୍ୟତିକ୍ରମ
ହେବ ତୁମ ବଦନାମ।
ତୁମେ ଥାଉଁ ଥାଉଁ ମୁଁ ...
ଏ ଜୀବନ ତୁମ ଦାନ
କରିବିନି ଅପମାନ
ଯେମିତି ଯାଉ ମୋ ଦିନ
ସେ ତୁମ ମାନ ସମ୍ମାନ।
ତୁମେ ଥାଉଁ ଥାଉଁ ମୁଁ ...
ଦୁଆରେ ଉଭା ତୁମର
ଅଛି ଅକ୍ଷୟ ଭଣ୍ଡାର
ଆଉ କିବା ଦରକାର
ହେ ପ୍ରଭୁ ଦୟାସାଗର।
ତୁମେ ଥାଉଁ ଥାଉଁ...
