କାହାକୁ କହିବା କୁହ
କାହାକୁ କହିବା କୁହ
ପିଲା ଦିନେ ମୁହିଁ ପାଠ ପଢି ଥିଲି
ମିଛ କୁହା ମହା ପାପ l
ଆଜିମୁଁ ଦେଖୁଛି ସତତ କହିବା
ଦୁନିଆରେ ବଡ଼ ପାପ
କାହାକୁ କହିବା କୁହ
ଆଜିତ ଦେଖୁଛି ସତଯେ କହୁଛି
ଶତ୍ରୁ ଭାବେ ହୁଏ ଗଣା l
ପାଗଳ ଭାବରେ ହୁଏ ପରିଚିତ
କରନ୍ତି ସଭିଏଁ ଘୃଣା
କାହାକୁ କହିବା କୁହ l
ମିଛଯେ କହୁଛି ସବୁଠି ହସୁଛି
ହୋଇଣ ଯେ ସୁନା ମୁଣ୍ଢା l
ମିଛଟା ତାହାର ସତ ଲାଗେ ସର୍ବେ
ସତକୁହା ସାଜେ ହୁଣ୍ଡା
କାହାକୁ କହିବା କୁହ l
ସତ କୁହା ଏଠି ବୋକା ସାଜି ଯାଏ
ଚାଲାକ ସାଜେ ମିଛୁଆ l
ଚୁଗୁଲି ଯେତକ କରନ୍ତି ତ ଏଠି
ସାଜନ୍ତି ଏଠି ସାଧୁଆ
କାହାକୁ କହିବା କୁହ l