ଜୟ ବଜରଙ୍ଗୀ

ସତ୍ୟ ଶାନ୍ତି ଭକ୍ତି ରାମ ନାମେ ମତି

  ସେବା ଧର୍ମ ଯାର ନୀତି

କପଟତା ହୀନ ସାଧୁତା ଜୀବନ

  ବଜରଙ୍ଗୀ ଦେବେ ମୁକ୍ତିll

ଶ୍ରୀରାମ ଶ୍ରୀରାମ ଜପ ସଦା ରାମ

  ବଜରଙ୍ଗୀ ହେବେ ସାହା

ରାମ ନାମେ ଶକ୍ତି ଅମୃତର ପ୍ରାପ୍ତି

  ଅଂହକାର କର ସ୍ୱାହା ll

ଜଗତେ ଅମର  ଜ୍ଞାନର ସାଗର

   ମହାବୀର ହନୁମାନ

ଦିଅ ପ୍ରଭୁ ଶକ୍ତି ସଦଜ୍ଞାନ ଶାନ୍ତି

   ତୁମ୍ଭ ପାଦେ ନିବେଦନ ll

ନିରୀହ ଜନତା ନିଷ୍ପେସିତ ସଦା

  ବଜରଙ୍ଗୀ ବାରେ ଦେଖ

କ୍ରୂରତା ହଟାଇ ମୈତ୍ରୀକୁ ପ୍ରସାରି

  ଦିଅ ପ୍ରଭୁ ଟିକେ ସୁଖ ll

ସତ୍ୟର ପୂଜାରୀ ମଙ୍ଗଳର କାରୀ

   ଧନ୍ୟ ପବନ କୁମର

ଦିଅ ଭକ୍ତି ବୀର ହୃଦୟେ ମୋହର

   ତୁମ ନାମ ଜପିବାର ll