ଜନ୍ମମାଟି

ଗାଁଟି ଘେରା ବଣ ପାହାଡ଼େ

     କେଡେ ସୁନ୍ଦର ଶୋଭାଟି ।

ପୂରୁବ ଦିଗେ ସୁରୁଜ ଉଇଁ

    ଛୁଏ ଯା ମନ୍ଦିର ଚୁଡାଟି ।

ଯାହାରି ବୁକେ ଚରଣେ ଥୋଇ

     ଚାଲିବା ଶିଖି ଅଛିଟି ।

ସରସୀ ଜଳେ ହଂସ ଖେଳେ

  ପଦ୍ମ, କଇଁ ମନକୁ ମୋହେଟି ।

ଫସଲ ଭରା କ୍ଷେତ ହସଇ

   ଚାଷଭାଇ ଗାଏ ଗୀତଟି ।

ବିଦ୍ୟା ଆରମ୍ଭ କରଇ ଯହିଁ

  ସେଇ ମୋପ୍ରିୟ ଚାଟଶାଳୀଟି ।

ତାହାରି କୋଳେ ଧୂଳି ଖେଳ

   ବର କନିଆଁ ବାହାଘରଟି ।

ପାହାଡ଼ ତଳେ ପୋଖରୀ କୂଳେ

  ଗୀତ ଗାଏ ପବନତାଳେଟି ।

ପରବ ଦିନେ ଗାଁ ଦୁଲୁକେ

   ଏକତା ତାର ପରିଚୟଟି ।

ସ୍ମୃତିରେ ଯାର ଝରେ ଲୋତକ 

   ସରଗଠୁଁ ବଳି ସେହି ମୋ ଜନ୍ମମାଟି ।