ଜୀବନ

ସୁନ୍ଦର ଯେତିକି    ଅନ୍ଧାର ସେତିକି

    ଏଇ ମଣିଷ ଜୀବନ ,

ତେଣୁ ତୁ ନିଜର   ଲକ୍ଷ୍ୟରେ ଅଟଳ

      ରହରେ ଅବୁଝା ମନ ।

ଜୀବନ ପଥଟା    ଅଟେ ଅଙ୍କାବଙ୍କା

     ନୁହଇ ଜମା ସରଳ ,

ଧରମ ପଥରେ    ଯଦି ଚାଲିବୁରେ

     ପାଇବୁ ସୁକର୍ମ ଫଳ ।

ଜୀବନ ଯମୁନା    ଉଛୁଳିବା ବିନା

    ସଦାବେଳେ ନୁହେଁ ସ୍ଥିର ,

କେବେଆସେସୁଖ କେବେଆସେ ଦୁଃଖ

   କେବେ କ୍ଷୀର କେବେ ନୀର ।

କାହାର ଜୀବନ   ଚିର ନୁହେଁ ଧନ

    ଆସିଅଛ ନିଶ୍ଚେ ଯିବ ,

କର୍ତ୍ତବ୍ୟ କରମ    ଅଟଇ ଧରମ

    ସହାୟକ ସେ ହୋଇବ ।

ଉଠାଣି ଗଡ଼ାଣି    ଜୀବନ ସରଣୀ

     କଷ୍ଟ ହୁଏ ଉଠିବାକୁ,

ଉଠାଣି ସରିଲେ   ଗଡ଼ାଣି ଆସିଲେ

    ଖୁସିଲାଗେ ଚାଲିବାକୁ ।

ନିର୍ବିକାର ଯିଏ    ସ୍ଥିର ରହିଥାଏ

     ଭଲ ମନ୍ଦ ଏକ କରେ,

ଶ୍ରୀହରି ସୁମରି    ଧର୍ମ କାର୍ଯ୍ୟ କରି 

     ଭବ ସ°ସାରରୁ ତର ।