ଜୀବନ ପାଇଁ ଦୁଇଟି ଗୀତ

ବାବାଜୀ ଚରଣ ଜେନା

-ଏକ-

ଅସୁମାରୀ ଆଶା ମୋର

ଅସରନ୍ତି ଚଲାପଥ

ଚାଲିବାକୁ ହେବ ପୁଣି

କିଏ ଜାଣେ କେତେ ପଥ ॥

ଜୀବନ ଜଞ୍ଜାଳ ଭରା

ସ୍ଵପ୍ନ ଦେଖେ କେତେ କାହିଁ

ସେଇ ସ୍ଵପ ଅଧା ଥାଇ

ରାତି ପୁଣି ଯାଏ ପାହି ॥

ଲେଖୁ ଲେଖୁ କାଗଜରେ

ଅଧା ରହିଯାଏ ଗୀତ

ଅସୁମାରି ଆଶା ମୋର ॥

କାହା ପାଇଁ କେବେ ହେଲେ

ସମୟତ ରଖି ନାହିଁ

ବଞ୍ଚିବାକୁ ହୁଏ ପୁଣି

ନିଜ ଲୁହ ନିଜେ ପିଇ

କିଏ ଛାଡି ଦିଏ ହାତ

କିଏ ହୋଇ ଯାଏ ମିତ

ଅସୁମାରୀ ଆଶା ମୋର ॥

-ଦୁଇ-

ଜୀବନତ ଏକ ଅନ୍ଧ ଗଳିର

ଘାଣ୍ଟି ହେଉଥିବା ଖେଳ

କେବେ ଝୁଣ୍ଟି ପଡି ଚାଲିବାକୁ ହୁଏ

ରହେ ନାହିଁ ତାଳ ମେଳ

ଜୀବନ ତ .......॥

ଦୁଖର ବରଷା ଭିଜାଉ ଥାଏ ତ

ସବୁଦିନ ସବୁ ରାତି

ମୋ ପାଇଁ ସୁଖ ତ ଅଳିକ ସପନ

ଦୁଃଖ ସାଥେ ଦେଖା ନିତି

ଆଶା ନିରାଶାର ନଈ ବାଲି ପରେ

ଚାଲୁ ଥାଏ ବାରମ୍ବାର

ଜୀବନ ତ ..... .... ....॥

ସଭିଏଁ କୁହନ୍ତି ଯାଯାବର ଟିଏ

ଚାଲି ଜାଣି ନାହିଁ ବାଟ

କେଉଁ ଆଡେ ଯିବ କା, ପାଖକୁ ଯିବ

ନାହିଁ ତାର ଠିକଣାତ

ପାଇବାର ନିଶା ଏମିତି ଅଙ୍କଟେ

ଚିଡେନା ହିସାବ ଯା’ ର

ଜୀବନ ତ ... ... ... ॥