ଜହ୍ନରାତି
ଜହ୍ନରାତି
ତୁମେ ଚେଇଁ ରହି ଥାଅ
ଜହ୍ନ ରାତି ସାରା
ଜୋଛନା ସହ ଆଳାପ କରି,
ଦୂରରୁ ଆଣୁଛି ପବନ ବହି
ଝୁମି ନ ଯାଅ ରାତି ଅଧରେ
ସେନହ ମୋର ପାଇ ।
ଟିକିଏ ପାଖ ହୁଅନ୍ତା ଯଦି
ଘର ତୁମର, ଚାଲି ଆସନ୍ତି ଧାଇଁ,
ଭାଗ୍ୟର କି ବିଡ଼ମ୍ବନା ସତେ
ମିଶିବାର ସୁଯୋଗ ଟିକେ ନାହିଁ ।
ଜିଇଁ ନିଅ ଆଉ କେଇଟା ଦିନ
ସ୍ନୃତିରେ ମୋର ଗୀତ ଗାଇ
ଦେଖା ହେଲେ ଢାଳିଦେବି ସବୁ ସ୍ନେହ
ସାକ୍ଷୀ ରହିବ ଯେମିତି ଚାନ୍ଦିନୀ ରାତି ।।
ତୁମେ ମିଶାଉ ଥାଅ ସ୍ୱର
ଶୀତ ରାତି ସାରା
କୋଇଲି ସହ ଆଳାପ କରି,
ଦୂରରୁ ଆଣୁଛି କାକର ବହି
ଝୁମି ନ ଯାଅ ରାତି ଅଧରେ
ପ୍ରେମ ମୋର ପାଇ ।।