ଜାତିପ୍ରଥା

ସମାଜ ତାଡନା ଜାତି ଛୁଆଁ ପ୍ରଥା

କୁପ୍ରଥା ଯେ କୁସଂସ୍କାର

କେତେ ଦାର୍ଶନିକ ସମାଜ ସେବକ

କାର୍ଯ୍ୟ କଲେ ସଂସ୍କାରର ll

ଭୂମି ଦାନ କଲେ ବିବାହ କରିଲେ

ଜାତିପ୍ରଥା ଗଲା ସରି

କାହିଁକି କେଜାଣି ସରକାର ଆଜି

ଜାତିକୁ ଅଛନ୍ତି ଧରି ll

ବ୍ରାହ୍ମଣ କ୍ଷେତ୍ରୀୟ ଜାତି ଶୁଦ୍ର ଵୈଶ୍ୟ

 ନାହିଁ ଆଉ ଚାରି ଜାତି

ପୁରୁଷ ଓ ନାରୀ ଲିଙ୍ଗ ରୂପେ ଦୁଇ

ମଣିଷ ଗୋଟିଏ ଜାତି ll

ସାଧାରଣ ଏସି ଏସ୍.ଟି ଓ ଓ.ବି.ସି

ଭାରତରେ ଚାରି ଜାତି 

କାହାର ସ୍ୱାର୍ଥରେ ଜାତି ଭାଗ ଭାଗ

ଖାଲି ହୁଏ ରାଜନୀତି ll

ଶିକ୍ଷା ରାଜନୀତି ଚାକିରି ଯେ ବୃତ୍ତି

ସଂରକ୍ଷଣ କଳା ବିଷ

ଅଶିକ୍ଷିତ ଲୋକ ବୁଝି ତ ପାରେନା

ଗରିବର ଜଳେ ବଂଶ ll

ଧନୀ ଓ ଗରିବ ପ୍ରତ୍ୟେକ ଜାତିରେ

ଅଧା ଅଧା ଅଛି ରହି

ଯୋଜନା ମଙ୍ଗଳ ପାଉଛି ଧନୀ ଯେ

ଗରିବ ଦେଖିକି ସହି ll

ଜାତି ଭାଗ ଭାଗ ସମାଜେ ନ କରି

 ସମସ୍ତେ ଏକ ଜାତିର 

ଗରିବ ପାଇଁକି ଯୋଜନା କରିକି

ଜାତିପ୍ରଥା ଶେଷ କର ll