ଜ୍ୱରରୁ ଉଠିତ

ଜ୍ୱରରୁ ଉଠିତ ମୋ କଳାଠାକୁର

    ଚିଡି ଚିଡ଼ା ଟିକେ ହେଲେଣି

ମନ ବଦଳିବ ବୁଲି ଗଲେ ଥରେ

    ରଥ ତାଙ୍କ ସଜ ହେଲେଣି

ମାଆ, ମାଉସୀ ଡାକରା ଦେଲେଣି ।

ମାଉସୀ ମାଆର ମନ ମାନୁ ନାହିଁ

    ନ ଦେଖି ଜଗାକୁ ଆଖିରେ

କେତେ ମଉଷଧି ପଡିରେ ରହିଲେ

    ଧନ ମୋର ବଡ଼ ଦେଉଳେ

ଦେଖି ହେଉ ନାହିଁ ତା କଳା ବଦନ

ଅଦିନିଆ ଜ୍ୱର ଦେଲାକି   କଷଣ

    ମୁହଁ କାନ ଶୁଖି ଗଲାଣି ।

 ଆସୁ ମୋର ଧନ ମୋଘରକୁ ଥରେ

     କେତେ ସୁଆଦିଆ ଖୋଇବି

ସରାଗ ତାହାର ପୋଡପିଠା ପରେ

    ପୋଡପିଠା କରି ଥୋଇବି

ଫେରିବ ସେ ଆଜି ନନ୍ଦିଘୋଷ ରଥେ

ପୋଡପିଠା ଦେବି ରହି ତାର ପଥେ

    ତାପରେ ଦେବିଟି ମେଲାଣି ।