ଇନ୍ଦ୍ରଧନୁ ରାକ୍ଷୀ

ରକ୍ଷାର ସୂତ୍ର ସିଏ ସ୍ନେହ ପ୍ରେମରେ ଗଢା

ବଳଭଦ୍ର ଜନ୍ମ ପୁଣି ଖିରି ପିଠା ବଢ଼ା

ଭାଇ ଭଉଣୀ ସମ୍ପର୍କର ଅତ୍ର ଏହି ପର୍ବ 

ଭାଇ ହାତେ ରାକ୍ଷୀ ଦେଖି ଭଉଣୀର ଗର୍ବ 

କେତେ ସରାଗେ ଚାହିଁ ଥାଏ ଏହି ଦିନକୁ 

ଭଉଣୀ ତା ଭାଇ ହାତେ ରାକ୍ଷୀ ବାନ୍ଧିବାକୁ 

ଧରିତ୍ରୀ ମାତା ରାକ୍ଷୀ ବାନ୍ଧେ ଜହ୍ନ ମାମୁ ହାତେ 

ସେ ରାକ୍ଷୀ ଟି ଇନ୍ଦ୍ରଧନୁ ସତ ରଙ୍ଗ ସାଥେ 

ରକ୍ଷାର ସୂତ୍ର ପୁଣି ସମ୍ପର୍କ ର ମୂଲ୍ୟ 

ଭାଇ ଭଉଣୀ ସମ୍ପର୍କ ଯେ ନିର୍ମାଲ୍ୟର ତୁଲ୍ୟ 

କୋରନା ଆସିଛି ବୋଲି ରାକ୍ଷୀ ଦୋକାନ ଟେ ନାହିଁ 

ଭଉଣୀର ଚକ୍ଷୁ ଆଦ୍ର ଦୂରେ ବନ୍ଦୀ ତାର ଭାଇ 

ଭାଇ ଭଗିନୀ ସ୍ନେହର ପବିତ୍ର ଏ ଡୋରି 

ଯେତେ ଦୂରେ ଥିଲେ ସୁଦ୍ଧା ଭାଇ ଭୁଲିବ କିପରି 

ବଡ ଦିଅଁ ପାଖେ ଏତିକି ବିନମ୍ର ପ୍ରାର୍ଥନା 

ଅଚିରେ ବିଲୁପ୍ତ ହେଉ ଦୁନିଆରୁ କୋରନା ।