ହେ ମହାବାହୁ ଏହି ଭାବ ଆମ ଲାଗିଥାଉ

ତୁମ ଶ୍ରୀକଳା ଶ୍ରୀମୁଖ ଚାଂହୁ ଚାଂହୁ ,

ସକାଳ ସୁରୁଜ ମୋ ଉଦୟ ମାନ ହୋଉଥାଉ ,

ହେ ଜଗନ୍ନାଥ ତୁମରି ନାମ ଧରିଲା ପରେ ମୋ ପାଦ ଧରଣୀ ମା ଉପରେ ପଡୁଥାଉ ,

ତୁମକୁ ନପାଇଁ ଆଖି ମୁଁ ଖୋଲେ ଏମିତି ଦିନ ମୋର ହେ କେବେ ନ ଆସୁଥାଉ । ୧

ଏ ଜଡ଼ ଶରୀରରେ ତୁମେ ଯେ ସଂଜୀବନି ,

ଏତିକି କୃପା ତୁମରି ସେବା କେବେ ଯେମିତି ଭୁଲିବିନି ,

ତୁମରି ଅବକାଶ ନୀତି ଠୁ ସଜବାଜ କଥା କେବେ ମନୁ ଭୁଲିବିନି ,

ତୁମ ଆଳତୀ ବିନା ଦିନ କେବେ ଭଲ ଯିବ ତାହା କେବେ ମୁଁ ଜାଣିନି । ୨

ତୁମରି କୈବଲ୍ୟ ନିର୍ମାଲ୍ୟ ତୁଳସୀ ପ୍ରଥମେ ପାଇବା ବିନା ଏ ଜୀବନରେ ,

ଜଳ ଯେଭଳି ନଯାଉ ପିଣ୍ଡକୁ ଏତିକି କରୁଣା ଥାଉ ମୋ ଉପରେ ,

ତୁମରି ପୂଜା ବେଶ ସଜବାଜ ନୀତିରେ ,

ଏମିତି ଆନନ୍ଦ ମିଳୁଥାଉ ଏ ଅଲୋଡା ଜୀବନରେ । ୩

ଏମିତି ବିରାଜିତ ହୋଇଥାଅ ମୋ ଘର ମୁରବି ରୂପରେ ,

ଦୃଶ୍ୟ ଅଦୃଶ୍ୟ ରୂପେ ଠିଆ ହୋଉଥାଅ ଏମିତି ମୁରବି ରୂପେ ସଦସ୍ୟର କଷ୍ଟରେ ,

ଏମିତି ତୁମ ଭାଗ ବସୁଥାଉ ପ୍ରତ୍ୟେକ ମୋର ପର୍ବ ହାନିଲାଭରେ ,

ହେ ମହାବାହୁ ଏମିତି ତୁମ ମୋ ଭାବ ଲାଗିଥାଉ । ୪

ତୁମକୁ ଦେଖିଲେ ନିରୋଳାରେ ହେ ମହାବାହୁ ! ,

ମୋ ପ୍ରଶ୍ନ ଉତ୍ତର ଦେଇ ଈଶାରାରେ ଆମର ଏମିତି କଥା ବାର୍ତା ଚାଲିଥାଉ ,

ହେ ପତିତପାବନ ଭାବର ବନ୍ଧୁ ଏମିତି ଆମ ଭାବ ଲାଗିଥାଉ ,

କିଛି ଲୋଡ଼ା ନାହିଁ ହେ ତୁମ ପାଇଁ ସଦା ହାତ ଯୋଡିକ ଉଠିଯାଇ ମୋ ଆଖିରୁ ଲୁହ ଗଡୁଥାଉ । ୫