ହେ କଂସାରୀ ମମ ବନ୍ଦନମ୍

ହେ କଂସାରୀ ! ମମ ବନ୍ଦନଂ,

ରାଧିକା ହୃଦ ଚନ୍ଦନଂ ।0।

ଜୟ ଜୟ ଶ୍ରୀହରି,ନରଦେହେ ଅବତରି,

ଧରଣୀ ଦୁଃଖହାରୀ, ଶିଷ୍ଟ ପାଳନକାରୀ, 

କୁଞ୍ଜବନ ବିହାରୀ,ଯଶୋଦା ମନୋହାରୀ,

ଗୋପବାଳା ମନଚୋର କାଳୀୟ ଦର୍ପହାରୀ ହେ ,।1।

             କଂସାରୀ! ମମ ବନ୍ଦନଂ,ରାଧିକା...  

ଗୋପୀବସ୍ତ୍ର-ହାରକ, ରକ୍ଷ ଦର୍ପ ନିବାରକ,

ଶଙ୍ଖା ଶକଟା ବକା ପ୍ରାଣ-ବିଦାରକ, 

ଗୋଧନ ପାଳକ,ମନ୍ଦର ଧାରକ,

ଶକ୍ର ଦର୍ପ ବିନାଶକ, ଗୋପାଳ ତାରକ ହେ।2।

             କଂସାରୀ ! ମମ ବନ୍ଦନଂ ରାଧିକା...

ହେ ବଂଶୀବଦନ,ହେ ମଧୁସୂଦନ !

କୁବୁଜା କୁଜହାରୀ ଚାଣୁର ନିସୂଦନ,

ଦୁର୍ବାର ବାରଣ,ଦନ୍ତ ଉତ୍ପାଟନ 

ମାତୁଳ ହନନେ ମୁନିଜନ ବନ୍ଦନ ହେ !

              କଂସାରୀ ! ମମ ବନ୍ଦନଂ,ରାଧିକା...