Happy Teddy Day

ହଜାରେ ଟଙ୍କିଆ  କଣ୍ଢେଇ ଆଣିଛି

   ଦେବି ବୋଲି ମୋର ମାଣ୍ଡୁକୁ

କିଛି ନହଲେ ନାହିଁ କଣ୍ଢେଇ ନେଇ

   ବୁଝିବ ବୋଲି ମୋ ମନକୁ

ଭାରି ଶରଧାରେ  ଡାକିଲି ମୁଁ ତାକୁ

    ଆସ ଯିବା ନଈ କୂଳକୁ

ଦେବି ଉପହାର   ହାତରେ ତୁମର  

    ଖୁସି କରିଦେବି ମନକୁ

ହେଉ ବୋଲି କହି ଆସିଲା ଯେ ଧାଇଁ

   ନେବା ପାଇଁ ଉପହାରକୁ

ନିଅ ପ୍ରାଣ ସହି    ଆଜି ପାଇଁ ଏଇ

    ବୁଝ ଏବେ ମୋର ପ୍ରେମକୁ

ହଁ କହି ଦେଇ   ଗାଲେ ଚୁମା ଦେଇ

    ଚାଲିଗଲା ସିଏ ଘରକୁ

ଫିଟିଗଲା କାଳେ ପ୍ରେମ ରେଖା ମୋର

    ଭାବିଲି ନିଜେ ମୁଁ ନିଜକୁ

ସନ୍ଧ୍ଯାରେ ଦେଖିଲି ଧର୍ମ ଭାଇ ସହ

   ଯାଇଥିଲା ତୋଟାମାଳକୁ

ରାସ କରୁଥିଲେ  ଦୁହେଁ ସେଠି ମିଶି

   ଦେଖି ବାଧିଲା ମୋ ମନକୁ

କଣ୍ଢେଇ ନେଇକି ଭଣ୍ଡେଇ ଦେଲା ସେ

   ଖାଲି କଲା ମୋର ମୁଣାକୁ

ପ୍ରେମ ପଛେ ଗଲେ  ହୁଏ ଧନହାନୀ

  ନେଲି ଆଉ ଥରେ ନାମକୁ