ଗୁରୁଦିବସରେ ତାଙ୍କୁ କେମିତି କହିବି ଗୁରୁ ? -ଡକ୍ଟର କୃତ୍ତିବାସ ନାୟକ

ଗୁରୁଦିବସରେ ତାଙ୍କୁ କେମିତି କହିବି ଗୁରୁ ?

କେମିତି କହିବି ଗୁରୁ ବ୍ରହ୍ମା ବୋଲି ଯିଏ ନ ପଢ଼ାନ୍ତି ପାଠ,

ମଦପେଟେ ପିଇ ପିଟନ୍ତି ପିଲାଙ୍କୁ ଗାଆନ୍ତି ଅଶ୍ଳିଳ ଗୀତ ।

ଯେଉଁଠି ପିଲାଏ ବିଫଳ ହୁଅନ୍ତି ପରୀକ୍ଷାର ଫଳ ଶୂନ ,

ସେହି ବିଦ୍ୟାଳୟ ଶିକ୍ଷକକୁ କିଏ କହିବ କି ଭଗବାନ ?

ସ୍କୁଲ ଖୋଲିଲେ ପରୀକ୍ଷା ବେଳକୁ କରନ୍ତି ଯେ ଆନ୍ଦୋଳନ ,

ଚଳୁ କରନ୍ତି ଯେ ପିଲାଙ୍କ ନାମରେ ଆସୁଥିବା ଅନ୍ନ ଧନ।

ଛାତ୍ର ଛାତ୍ରୀ ପ୍ରତି ପୁତ୍ର କନ୍ୟା ଭାବ ଯଦି ହୃଦୟରେ ନାହିଁ ,

ତ୍ୟାଗ ସ୍ନେହ ଭାବ ନ ଥିଲେ ତାଙ୍କର ମହେଶ୍ୱର ନୁହେଁ ସେହି ।

ଅସଲ ଗୁରୁ ତ ମୋର ମାଆ ସେହି-ବ୍ରହ୍ମା ବିଷ୍ଣୁ ମହେଶ୍ୱର ,

ଗୁରୁ ଦିବସରେ ତାଙ୍କୁ ବି ପୂଜିବି ତା’ ପାଦେ କୋଟି ଜୁହାର ।