ଗୁରୁଦେବ
ଗୁରୁଦେବ
ଅଜ୍ଞାନ ରୂପକ ଅନ୍ଧାର ନାଶନ୍ତି ଜ୍ଞାନର ପ୍ରଦୀପ ଧରି
ସୁଗମ୍ୟ କରନ୍ତି କଣ୍ଟକିତ ପଥ କଲ୍ୟାଣ ଆଶିଷ ଭରି ।
ଗୁରୁ ବ୍ରହ୍ମା ବିଷ୍ଣୁ ଗୁରୁ ମହେଶ୍ୱର ଗୁରୁ ହଁ ଜ୍ଞାନର ଦାତା
ଗୁରୁ ବିନା ଜ୍ଞାନ ନହୁଏ ପ୍ରଦାନ ଗୁରୁ ହିଁ ହର୍ତ୍ତା କର୍ତ୍ତା ।
ମଧୁର ସଙ୍ଗୀତ ଜୀବନେ ମୋହରି ନାହିଁକେ ତାଙ୍କରି ପରି
ଅଜ୍ଞାନ ରୂପକ ଅନ୍ଧାର ନାଶନ୍ତି ଜ୍ଞାନର ପ୍ରଦୀପ ଧରି ।
ଜଗତ ହିତରେ ସଳିତା ସାଜନ୍ତି ସମଗ୍ର ଜୀବନ ପାଇଁ
ଆଦର୍ଶ ସମାଜ ଗଠନ କରନ୍ତି ଗୁରୁ ଶିକ୍ଷାଦାନ ଦେଇ ।
ଗୁରୁଙ୍କ ଆଶିଷେ ଅସାଧ୍ୟ ସାଧଇ ସଫଳତା ଶୀର୍ଷ ଛୁଏ
ଯଶ କୀର୍ତ୍ତି ଅର୍ଜେ ମହୀ ମଣ୍ଡଳରେ ଗୁରୁ ସେବା କରେ ଯିଏ ।
ଜ୍ଞାନର ସାଗର ସ୍ଵୟଂ ଗୁରୁଦେବ ଅଜ୍ଞାନୁ କରନ୍ତି ପାରି
ସୁଗମ୍ୟ କରନ୍ତି କଣ୍ଟକିତ ପଥ କଲ୍ୟାଣ ଆଶିଷ ଭରି।
ମୂଲ୍ୟହୀନ ଏହି ଜୀବନକୁ ମୋର କରିଛନ୍ତି ମୂଲ୍ୟବାନ
ଗୁରୁଙ୍କ ଚରଣେ ପ୍ରଣାମ ଜଣାଏ ମୁହିଁ ଶିବ ଆକିଞ୍ଚନ।