ଅକୁହା କଥା
ଅକୁହା କଥା
ଜୀବନର ରାସ୍ତା ଅଙ୍କା ବଙ୍କା ଆଜି
ଚାଲିବାକୁ ଶକ୍ତି ନାହିଁ
ପ୍ରତିଟି ପାଦରେ କଣ୍ଟା ଫୁଟିଯାଏ
ଆଖି ଲୁହ ଶୁଖେ ନାହିଁ ।
ହାରିଛି ଜିତିଛି ହରେଇଛି କିଏ
ଜିତେଇଚି ମୁଁ କାହାକୁ
ମାନେନାହିଁ ବନ୍ଧୁ ସବୁତ ଭୁଲିଛି
ଇଚ୍ଛା ନାହିଁ ଜାଣିବାକୁ ।
ନିରାଶ ବାଦଲ ଆଶକୁ ଢାଙ୍କିଛି
କରିଦେଇ ସତେ ବନ୍ଦୀ
ଛଳନା ଜାଲରେ ବିଶ୍ୱାସ ମନଟା
ହୋଇଯାଏ ପୁଣି ଛନ୍ଦି ।
ଅନ୍ତର ଭିତରେ ଥାଏ ଘୃଣା ଭାବ
କିଛି ନୂଆ କଥା ନାହିଁ
ପ୍ରତାରଣା ମିଳେ ପ୍ରେମ କଲେ ବୋଲି
ହୃଦୟ ମୁଁ ଦିଏ ନାହିଁ ।
ପଡୁଛି ଉଠୁଛି ତଥାପି ଚାଲିଛି
ଜୀବନର ଚଲା ବାଟେ
ନିଜ କର୍ମ କରି ଭାଗ୍ୟକୁ ଆଦରି
ଜୀବନ ଆମର କଟେ ।
ବହୁଜନମର ପୁଣ୍ୟ ଫଳ ଯୋଗୁଁ
ମଣିଷ ଜୀବନ ଲଭଇ
ଦୃଢ଼ ମନା ବ୍ୟକ୍ତି ନହୁଏ ପରାସ୍ତ
ଯଶ କୀର୍ତ୍ତି ଅରଜଇ ।