ନୂଆବର୍ଷ
ନୂଆବର୍ଷ
ସ୍ୱାଗତ ଜଣାଏ ନୂତନ ବର୍ଷକୁ
ଅନ୍ତର ପ୍ରଦୀପ ଜାଳି
ଧରା ଧାମେ ଆଜି ଖୁସିର ରୋଷଣୀ
ଅମୃତ ପଡୁଛି ଝରି ।
ସବୁ ମନ ଆଜି ଉତ୍ଫୁଲ୍ଲିତ ହୁଏ
ବାଜିଲାଣି ଶୁଭ ଶଙ୍ଖ
ନୂତନ ବର୍ଷର ନୂତନ କିରଣେ
ପାପ ରାଶି ହେଉ କ୍ଷୟ ।
ଖୁସିରେ ନାଚିବା ହସିବା ଗାଇବା
ଆସିଛି ନୂଆ ବରଷ
ଖୁସି ଭରିଯାଉ ସଭିଙ୍କ ଓଠରେ
ଉଲ୍ଲସିତ ହେଉ ମନ ।
ରାଗ ଋଷା ଆଉ ମାନ ଅଭିମାନ
ମନରୁ ଦୂରେଇ ଦେବା
ନିଜେ ହସି ପୁଣି ଅନ୍ୟକୁ ହସାଇ
ଦୁଃଖ ଶୋକ ଭୁଲି ଯିବା ।
ସୂରୁଜ ଉଇଁଲା ସକାଳ ହୋଇଲା
ପୂରୁବ ଆକାଶେ ଦେଖ
ରାତ୍ରିର କାଳିମା ଅନ୍ଧାରକୁ ଭେଦି
ଭରିଲା ନୂଆ ବିଶ୍ୱାସ ।
ଅନାଥର ନାଥ ପ୍ରଭୁ ଜଗନ୍ନାଥ
ତୁମ୍ଭ ଜୟ ସଦା ହେଉ
ଦେହରେ ମନରେ ପ୍ରତିଟି କୋଣରେ
ତୁମ ନାମ ଶୁଭୁ ଥାଉ ।
ଦୟାମୟ ତୁମେ ଦୟା କର ଟିକେ
ବେସୁରା ନହେଉ ସ୍ୱର
ନୂତନ ବର୍ଷରେ ସଭିଙ୍କ ଉପରେ
ଢାଳି ଦିଆ ଆର୍ଶୀବାଦ ।।