ଗୁରୁବାରୀ

ଗୁରୁବାରୀ ଲୋ ଗୁରୁବାରୀ l

  କୁଆଡ଼େ ଯାଉ ମା ତୀର୍ଥକରି ll

ମାନିଲୁ ନାହିଁ ମା ଜାତି ଭେଦ l

   ଅପବିତ୍ର କଲୁ ଚାରିବେଦ ll

ଘିରି ଘିରି ହୋଇ ବୁଲିଆସୁ l

  ଅଶୋଉଚେ ଶ୍ରୀମନ୍ଦିରେ ପଶୁ ll

ଜାଣନ୍ତି ସୁଭଦ୍ରା ତୋ ଗୁମର l

   ଜାଣିଲେଣି ପୁଣି ଦେଢ଼ଶୁର ll

ଛାଡ଼ିବେନି ମାତା ତୋତେ ଜମା l

   ଧ୍ୟାନଦିଅ ମାତ ସିନ୍ଧୁଜେମା ll

ରଚିଲେଣି ନାନା ପଟ କୁଟ l

    କରିବେ ଜାତିରୁ ଆକଟ ll

ଶୁଣ ଶୁଣ ମୋର ଭକ୍ତ ଶ୍ରେଣୀ l

   କହୁଛି ମୁଁ ବିଷ୍ଣୁ ପାଟରାଣୀ ll

ବାସ ତା' ଅଟେ ଚାଣ୍ଡାଳ ସାହି l

   ଘରେ ତାର ଚୁଲି ଜଳେନାହିଁ ll

ଆଚାରେ ବିଚାରେ ବଡ଼ ଶୁଚି l

  ମୋ ଭକ୍ତ ତା ପରି କିଏ ଅଛି ll

ଚଣ୍ଡାଳୁଣୀ ସିଏ ନାମ ଶ୍ରୀୟା l

  ଭକ୍ତ ମୋ ଜାଣନ୍ତି ଲକ୍ଷ୍ମୀନାହା ll

ଶ୍ର

Advertisement

ୀକ୍ଷେତ୍ର ସାମନ୍ତ ଜ୍ୟେଷ୍ଠ ଭାଇ l

   ଜାଣନ୍ତି ବିମଳା ମହାଦେଇ ll

ଯେଠାରେ ଆଚାର ଶୁଦ୍ଧପୁତ l

    ତହିଁ ସିନ୍ଧୁସୂତା ଗତାଗତ ll

ସୁଭଦ୍ରା ମୋ ନଣନ୍ଦ ରାଣୀ l

   ଅଟଇ ଚତୁରି ଶିରୋମଣି ll

ଭାଉଜରେ ଟିକେ ସାଧି ବାଦ l

   ସ୍ୱଭାବେ ରଟଇ ନାନା ଛନ୍ଦ ll

ସଭିଏଁ ମନୁଷ୍ୟ ଏକ ଜାତି l

   କାହୁଁ ଅଇଲା ଏ ଛୁଆଁ ଛୁତି ll

ଜାତି ଭେଦ ମୁହିଁ ମାନେନାହିଁ l

   ଆନନ୍ଦବଜାର ଯାଅ ଭାଇ ll

ଶ୍ରୀକ୍ଷେତ୍ରରେ ମୋର ପାକଚୁଲି l

    ପ୍ରସାଦ ରାନ୍ଧଇ ଭଳି ଭଳି ll

ସରବେ ହୋଇବ ଏକମେଳ l

   ପ୍ରସାଦ ଭକ୍ଷିବ ଆଚାଣ୍ଡାଳ ll

ଜୟ ଜୟ ବିଶ୍ଵ ଠାକୁରାଣୀ l

   ଶ୍ରୀକ୍ଷେତ୍ରର ଶିରି ମଥାମଣି ll

ଶରଣ ତୋହର ପାଦଗତେ l 

   ନମସ୍ତୁତେ ମାଆ ନମସ୍ତୁତେ ll