ଉତ୍କଳ ଭାଗ୨
ଉତ୍କଳ ଭାଗ୨
କଳିଙ୍ଗ, ଉତ୍କଳ, ଆଜିର ଓଡିଶା
ଗଣତନ୍ତ୍ର କୀର୍ତ୍ତି ବାନା
ଲୁଟିନେଉଛନ୍ତି ନେତାମାନେ ମିଶି
ଲୋକଭୋକେ ମରେ ଅନା ।
ନାରୀସୁରକ୍ଷାର ଡିଣ୍ଡିମ ବଜେଇ
ଏଣେ ବଢେ ଅତ୍ୟାଚାର
ଶିଶୁକୁ ମିଳେନି ଚିକିତ୍ସା ଉତ୍ତମ
କମେ ଶିଶୁକନ୍ୟା ହାର ।
ଶିକ୍ଷା ଲାଭକରି ଯୁବକ ବେକାରୀ
ଚାକିରୀ ର ନାହିଁ ଦେଖା
ମଫସଲ ଜମି ପଡିଆ ପଡିଛି
ବିପିଏଲ ନାମ ଲେଖା ।
ଶିକ୍ଷକ ନିଯୁକ୍ତି ଦିଆଯାଉନାହିଁ
ବିଦ୍ୟାଳୟ ପାଠ ପଢା
ଅଚଳ ହେଲାଣି ବ୍ୟବସ୍ଥା ସବୁଠି
ଭାଷଣ ତ ମନ ଗଢ଼ା ।
କଳ କାରଖାନା ଅଚଳ ବ୍ୟବସ୍ଥା
ବଢି ଚାଲେ ମୂଲ୍ୟ ହାର
ଭୋଟ ନେବାକୁ ନେତାଙ୍କର ଦେଖା
ମାଗନ୍ତି ଦ୍ଵାରକୁ ଦ୍ୱାର ।
କୃଷକ କଲ୍ୟାଣ ବିଭାଗର କାମ
କୃଷକ ମାରଣ ନୀତି
କୁଜିନେତା ମାନେ ଦୁର୍ନୀତି କରିଲେ
କାହାକୁ ନକରି ଭୀତି ।
ପ୍ରଶାସନ ଦେଖି ଲାଞ୍ଚ ନିଏ ଚାଖି
ମାଫିଆ ମାନଙ୍କ ଭାଉ
ଏଜେନ୍ସି କୁ ଦେଇ ଲାଭ ପାଏ ସେଇ
ଶକ୍ତି ବିଭାଗର ଦାଉ ।
କୁଟିର ଶିଳ୍ପକି ତନ୍ତ କାରିଗର
ଅଭାବରେ କାଟି କାଳ
କୌଳିକ ପ୍ରଥାରୁ ଓହରି ଆସିଲେ
ଦୋକାନ ମାଳକୁ ମାଳ ।
କେବେଏ ଓଡିଶା ଜାଗିବ କଳିଙ୍ଗ
ବିଭବ କି ଯଶ ରଖି
ବାଡ଼ ଯଦି ଖାଏ ଫସଲ କି ହେବ
ପରିସ୍ଥିତି କୁହ ସଖି ।