ଗୁରୁ

ଗୁରୁ ବୋଲି ଯେଉଁ ଦୁଇଟି ଅକ୍ଷର 

ଭାରି ଗରୀୟସି ସେହି

ଘୋର ତିମିରରୁ ପଥ ସେ ଦେଖାନ୍ତି

 ଜୀବନକୁ ଜାଳି ଦେଇ।1।

ଗଣିତ ବିଜ୍ଞାନ ଶିକ୍ଷା ସହିତରେ 

ମୂଲ୍ୟବୋଧ ମାନବିକ

ମଣିଷ ତିଆରିକାରଖାନାରେ ସେ

ଗଢନ୍ତି ସୁନାଗରିକ।2।

ଦୀପଶିଖା ପରି ଉଜ୍ଜ୍ୱଳ କରନ୍ତି

ଶିଷ୍ୟମାନଙ୍କୁ ତାଙ୍କରି

ଦୁନିଆ ଦାଣ୍ଡରେ ସୁଖ ସାଉଁଟନ୍ତି

ସମାଜର ହିତ କରି।3।

ଦୀପଜ୍ୟୋତି ଯଦି ଆଲୋକିତ କରେ

ଦିଆସିଲି କାଠି ପାଇଁ

ଜୀବନ ଜଂଜାଳେ ଭୁଲିବା ନାହିଁରେ

ହତାଦରେ ଫୋପାଡ଼ି ନ ଦେଇ।4।

ମନେ ରଖିଥିବା ତାଙ୍କରି ପାଇଁରେ

ଆଜି ପାଇଛେ ମହତ ସ୍ଥାନ

ତାଙ୍କରି ସେବାରେ ମନ ଲଗାଇଲେ

ତାଙ୍କ କଲ୍ୟାଣରୁ ହେବା ଧନ୍ୟ।5।