ଗୁରୁ ହେ ତୁମ୍ଭେ ଇଶ୍ୱର

ଶିକ୍ଷାର ନିର୍ଝରେ ଅଜ୍ଞାନ ଅନ୍ଧାରୁଁ 

ତାରିଛ ଭାଗିରଥ ତୁମ୍ଭେ ସାଜି, 

ଦିନପରେ ଦିନ ବିତି ଯିବ ହେଲେ 

ଚିର ଅମ୍ଳାନ ତୁମ୍ଭ ଶିକ୍ଷଣର ଛବି |

ପୁଲକିତ କରି ଶିକ୍ଷାର ସୁଗନ୍ଧେ, 

ବରିଛ ସୃଷ୍ଟିରେ ଅମର ଯଶ, 

ଜ୍ଞାନ ଗାରିମାର ଅଫୁରନ୍ତ ଆଭା

ଆମ ହୃଦେ କରିଛ ବିନ୍ୟାସ |

ଜ୍ଞାନର ଦିଗନ୍ତ ବିସ୍ତାରି ବ୍ୟୋମେ 

ଦେଇଛ ଅଜ୍ଞାନକୁ ନିତି ଯେ ଛାୟା, 

ତୁମ୍ଭ ସ୍ପର୍ଶେ ପୁଣି ବଦଳି ଯାଇଛି 

ଅଗଣିତ କେତେ କାୟା |

ଆଜି ଏ ସମୟେ ତୁମ୍ଭ ଭାବନାରେ 

ପୁରି ଉଠୁଛି ଆମ୍ଭ ଅନ୍ତର, 

କାମନା କରୁଛୁ ତୁମ୍ଭେ ଜ୍ଞାନଜ୍ୟୋତି 

ଏମିତି ଚିର ବିତର |

ଗୁରୁ ହେ ତୁମ୍ଭେ ଇଶ୍ୱର !!