ଗୋମାତା ର ନିଅ ଯତ୍ନ

ଗୋମାତା ଆମର କରେ ଉପକାର,

ଦିଅଇ ଆମକୁ କ୍ଷୀର ।

ଘରେ ଥିଲେ ଗାଈ ଦୁଧ,ଦହି,ଛେନା,

ମିଳିଥାଏ ବାରମ୍ବାର ।।

ତା ଗୋବର ପରା ପବିତ୍ର କାର୍ଯ୍ୟରେ,

ହୋଇଥାଏ ନିତି ଲୋଡା ।

ତା ମୁତ୍ର ସେବନେ ଆମ ଶରୀରରୁ,

କେତେ ରୋଗ ହୁଏ ଛଡା ।।

ଗୋମାତାର ଆମେ କରିଥିଲେ ସେବା,

ଈଶ୍ୱର ହୋଇବେ ଶାନ୍ତି ।

ତା ଛୁଆ ବାଣ୍ଟରୁ କ୍ଷୀର କାଢି ଦିଏ,

ଏ ମା' ମମତାର ପ୍ରୀତି ।।

ତା ଗୋବର ପୁଣି ହୁଅଇ ଜାଳେଣୀ,

ଆମେ ପାଇଥାଉ ଲାଭ ।

ଆଉ କେଉଁ ପଶୁ ଗୋମାତା ପରି,

ମା'ଟେ ହୋଇପାରିବ ?

ପାଳିତ ପଶୁଙ୍କ ମଧ୍ୟରେ ଗୋମାତା,

ସତେ କି ଗୋଟିଏ ରତ୍ନ ।

ଭାଇଭଉଣୀଙ୍କୁ ଛୋଟ ନିବେଦନ,

ଗୋମାତାର ନିଅ ଯତ୍ନ ।।