ଗୀତା ମାହାତ୍ମ୍ୟ
ଗୀତା ମାହାତ୍ମ୍ୟ
ଶାସ୍ତ୍ର ମଧ୍ୟେ ଶ୍ରେଷ୍ଠ ଗୀତା ଭାଗବତ
ଶ୍ରୀ କୃଷ୍ଣଙ୍କ ମୁଖ ନିଃସୃତ ବାଣୀ ତ
ବ୍ୟାସଦେବ ମୁନି ଶ୍ରେଷ୍ଠ
ରଚନା କରିଲେ ଅଠର ଅଧ୍ୟାୟେ
ଅଠର ଯୋଗ ବିଶିଷ୍ଟ ।
ସାତ ଶହ ପଇଁଚାଳିଶି ଶ୍ଳୋକରେ
କର୍ମ,ଭକ୍ତି,ଜ୍ଞାନ ଯୋଗ ବିଭାଗରେ
ଗ୍ରନ୍ଥଟି ଅଟେ ସଂପୂର୍ଣ୍ଣ
ନିତି ପାଠ କଲେ ନିର୍ମଳ ଚିତ୍ତରେ
ମିଳିଥାଏ ଦିବ୍ୟଜ୍ଞାନ ।
ଆଦ୍ୟ ବିଭାଗଟି କର୍ମ ଯୋଗ ସିନା
ଛଅ ଅଧ୍ୟାୟରେ ହୋଇଛି କଳନା
ଜୀବନରେ କର୍ମ ଶ୍ରେଷ୍ଠ
ଶ୍ରେଷ୍ଠତା ବିଚାରି ଶ୍ରେଷ୍ଠ ନିଏ ବରି
ଈଶ୍ୱର ହୋନ୍ତି ସନ୍ତୁଷ୍ଟ ।
ଦ୍ଵିତୀୟ ବିଭାଗ ଅଟେ ଭକ୍ତି ଯୋଗ
ସପ୍ତମ ଅଧ୍ୟାୟୁ ଦ୍ୱାଦଶର ଭାଗ
ଶ୍ରୀ ଚରଣେ ସମର୍ପିତ
ପ୍ରତି କ୍ଷଣେ ଦଣ୍ଡେ କୃଷ୍ଣ ନାମ ତୁଣ୍ଡେ
ଅର୍ଜୁନଙ୍କ ସମ ଭକ୍ତ ।
ବିଭାଗର ଶେଷ ଜ୍ଞାନ ଯୋଗ ରସ
ତ୍ରୟୋଦଶ ଠାରୁ ଅଟେ ଅଷ୍ଟାଦଶ
ଜୀବେ ଦୟା ବ୍ରହ୍ମଜ୍ଞାନ
ପ୍ରତ୍ୟେକ ଆତ୍ମାରେ କୃଷ୍ଣ ଯେ ସୂକ୍ଷ୍ମରେ
ଦିବ୍ୟ ଜ୍ଞାନେ ତାକୁ ଚିହ୍ନ ।