ଲାଇବ୍ରେରୀ
ପ୍ରୋଫାଇଲ୍
ଘରଣୀ ମୋର ହୃଦୟ ମଣି
ଘରଣୀ ମୋର ହୃଦୟ ମଣି
1 min
130
ହୁକୁମ ଚଳାଇ ଗରଗର ନିତି
ଘରଣୀ ଉପରେ ହେଉଥିଲି
ଗୃହିଣୀ ଜୀବନ ଅଧିକ ଆରାମ
ଭୋଗରେ ରହୁଛି କହୁଥିଲି
ଅଫିସରୁ ଆସି ଡ୍ରେସ ଫୋପାଡ଼ି
ଓଡ଼ର ଖାଲି ଦେଉଥିଲି
କି କାମ କରୁଛୁ ଘରେ ରହିକରି
ନିତି ଚିଡଚିଡ଼ି ହେଉଥିଲି
ରବିବାର ଛୁଟି ମିଳିଗଲେ ମୋତେ
ଆରାମରେ ମୁଁ ଶୋଉଥିଲି
ପିଲାଙ୍କ କଳିଝଗଡା ଶୁଣି
ଘରଣୀ ଉପରେ ରାଗୁଥିଲି
କରୋନା ଯୋଗୁଁ ଛୁଟି ହେବାରୁ
ଘରକଣ ମୁଁ ବୁଝିଗଲି
ସକାଳରୁ ରାତି କାମ ହିଁ କାମ
ଗୃହିଣୀ କଣ ବୁଝିଗଲି
ଗୃହିଣୀ ଜୀବନେ ଜମା ଛୁଟିନାହିଁ
ଘରକାମ କଷ୍ଟ ଜାଣିଦେଲି
ଘର ପରିବାର ତା ପାଇଁ ସ୍ୱର୍ଗ
ମୁଣ୍ଡକୁ ମୋର ନଇଁଦେଲି
ଅଳପ ଦିନରେ ମଥା ଘୁରିଗଲା
ଗୃହିଣୀ ମହାନ କହିଦେଲି
ରାଗିବିନି କେବେ ଶପଥ ନେଇ
ହୃଦୟ ମଣି ନାମଦେଲି l
