ଗଛ ଓ ମଣିଷ

 ମା ମାଉସୀ ଏ ଶୁଣ ହୋ 

 ଭାଇ ଭଉଣୀଏ ଶୁଣ

 ଗଛ ଭରିଦେବା ପଡିଆ ଭୂଇଁରେ 

 ସରଜିବା ନୂଆ ବଣ ହୋ

 ଭାଇ ଭଉଣୀଏ ଶୁଣ ।

  ଗଛ ଯୋଗୁଁ ବହେ ସୁଲୁସୁଲୁ ବାଆ

    ମନ ନିଏ ଆମ ମୋହି

  ଗଛ ଯୋଗୁଁ ହୁଏ ନିୟମିତ ବର୍ଷା

     ମାଟି ଯାଏ ନାହିଁ ଧୋଇ

  ଗଛ ଯୋଗୁଁ ହସେ ବଣ ପରବତ

     ଖରା ହୁଏ ନାହିଁ ଟାଣ ହୋ

     ଭାଇ ଭଉଣୀଏ ଶୁଣ ।

 ଗାଁ ହେଉ ଅବା ହେଉରେ ସହର

    ଗାଡି ମଟରର ଧୂଆଁ

 ପାଣି ପବନରେ ଜହର ଭରଇ

   ଶୁଣିଲେ ଲାଗେ ଛାନିଆ

 ଗଛ ଶୋଷିନିଏ ବିଷ ପବନକୁ

    ଭରିଦିଏ ଅମ୍ଳଜାନ

   ଭାଇ ଭଉଣୀଏ ଶୁଣ ।

  ଗଛ ଲତା ଆମ ସୁଖ ଦୁଃଖ ସାଥି

    ଗୁଣ ତାଙ୍କ ଅପ୍ରମିତ

 ଜୀବନ ପାଇଁକି ଲୋଡା ହୁଏ ଯାହା

   ଗଛ ଯୋଗୁ ମିଳେ ସେତ

 ଏନ୍ତୁଡିଶାଳରୁ ଜୁଇ ଯାଏ ଆମ

  ଗଛ ତ ଭରଷା ଜାଣ ହୋ

  ଭାଇ ଭଉଣୀଏ ଶୁଣ ।