ଲାଇବ୍ରେରୀ
ପ୍ରୋଫାଇଲ୍
ଏମିତି ଠାକୁର
ଏମିତି ଠାକୁର
1 min
245
ଏମିତି ଠାକୁର କିଏସେ ହେବ
ଭକତ ହାତରୁ ନଡ଼ିଆ ନେବ
ଭକତ ପାଇଁକି ନନ୍ଦିଘୋଷ ତାର
ଅଧବାଟେ ପରା ଅଟକି ଯିବ।
ଅମାଲୁ ଏଣ୍ଡୁରି ଆରିସା କେଳି
କଦମ୍ବ କାକରା କାନ୍ତି ଚକୁଳି
ରସାବଳି ଲଡୁ ମୋହନ ଭୋଗ
ପିଠା ପୁରି ଫେଣି ଖଜା ଡାଳିମ୍ବ
ଛପନ ଭୋଗକୁ ଆଡ କରିଦେଇ
ବାଈ ଖେଚୁଡିରେ ତୋଷ ସେ ହେବ।
ଦେହସୁହା ତାର ଭକତ ଗାଳି
ଭକତକୁ କରେ ଗଳାର ମାଳି
ଭକତ ପାଇଁକି ଦେଉଳ ଛାଡି
ବୁଲି ବାହାରେ ସେ ରଥରେ ଚଢି
ଭକତର ଭୋକ ସମ୍ଭାଳି ନପାରି
ନିଦରୁ ଉଠାଇ ଖୁଆଇ ଦେବ ।
