ଏକଲା ଚଲୋ
ଏକଲା ଚଲୋ
ବନ୍ଧୁରେ ବନ୍ଧୁରେ
କାହାକୁ ତୁ ଭାବୁ ନିଜର
ମାୟାମୟ ଏ ସଂସାର ମିଛରଘର
ଏକଲା ଚାଲିବା ଧିରେ ଅଭ୍ୟାସକର ବନ୍ଧୁରେ ।
ସୁଖର ସାଥି ଏ ଭଵ ଦୁଃଖେ ଅନ୍ତର
ସୁଖ ଦୁଃଖ ଉଭୟରେ ସାହା ଈଶ୍ୱର
ମନକୁ ତୁ ଥୟ କର ବିଭୁ ପୟର ବନ୍ଧୁରେ ।
ଯେତେଦିନ ଗଡ଼ୁଥିବ ଶରୀର ରଥ
ସେତେଦିନ ଏ ସଂସାର ଥିବ ତୋ ସାଥ
ରଥ ଅଟକିଲେ କେହି ନୁହେଁ କାହାର ବନ୍ଧୁରେ ।
ପୁତ୍ର ପତ୍ନୀ ପରିବାର ଭାବୁ ନିଜର
ପଡ଼ି ରହିଲେ ସରିଲା କଥା ତୋହର
ନଥିବ ସେନେହ ନଥିବଟି ଆଦର ବନ୍ଧୁର ।
ଯାହାକୁ ସହାୟ ହେବେ ଦେବ ଅନନ୍ତ
ଶକତି ସମ୍ବଳ ହେବ ତାର ଆୟତ୍ତ
ଟାଣିନେବେ କରଧରି କରୁଣାକର ବନ୍ଧୁରେ ।
ଭୁବନ ଆନନ୍ଦ ନନ୍ଦ ନନ୍ଦନ ହରି
ପୂର୍ଣ୍ଣାନନ୍ଦ ପୂର୍ଣ୍ଣକାମ ଘଟ ବିହାରୀ
ଭାଷେ ଜଗନ୍ନାଥ ବେଳୁ ନିରାଟେ ଧର ବନ୍ଧୁରେ ।