ଏଇ କଥା ପିଲେ ହେଜ
ଏଇ କଥା ପିଲେ ହେଜ
ଦୁନିଆ ଭିତରେ ଧରମ ହିଁ ବଡ଼
ତ୍ୟାଗ କଲେ ମିଳେ ଫଳ
ସତ୍ୟ, ଶାନ୍ତି, ସେବା ଆପଣାର କଲେ
ଜୀବନେ ଆସଇ ବଳ ।
ମାନବର ସେବା,ମାଧବର ସେବା
ଯିଏ କରେ ରାତିଦିନ
ତା' ପାଇଁ ସଂସାର ହୁଏ ମଧୁମୟ
ଖୁସିରହେ ହୃଦ, ମନ ।
ଦୟା, କ୍ଷମା ଆଉ ଉଦାର ଗୁଣରେ
ହଜେଇ ଦେଲେ ନିଜକୁ
ପର ବି ଆପଣା ହୋଇଯିବ ଦିନେ
ଲାଗି ଆସିବ ପାଖକୁ ।
ଯେତେ ଉପରେ ବି ସୂରୁଜ ରହିଲେ
ବାଣ୍ଟଇ ସୁନେଲି ଖରା
ଭାଇ, ବନ୍ଧୁ ହୋଇ ଚଳୁଥିଲେ ନିତି
ବିପଦ ନଦେବ ଧରା ।
ଜୀବନ, ମରଣ ଅଢେଇ ଦିନିଆ
ଭଲ ବାଟ ଟିକେ ଖୋଜ
ଆଜି ଚାଲିଗଲେ କାଲି ଆସିବନି
ଏଇ କଥା ପିଲେ ହେଜ ।