ଲାଇବ୍ରେରୀ
ପ୍ରୋଫାଇଲ୍
ଦୂରତା
ଦୂରତା
1 min
315
ଜୀବନରୁ ମୃତ୍ୟୁ ଯେତିକି ଦୂର
ଜିଅନ୍ତାରେ ଶବ ସେତିକି ଦୂର
ଫୁଲରୁ ଫଳ ହେଲାପରେ ଫୁଲଟି ପର
ବାହାହେଲା ଝିଅ କାହିଁ ନୁହେଁ ନିଜର
ବାର୍ଦ୍ଧକ୍ୟ ଆସିଲେ ସମସ୍ତେ ପର
ନିଜ ଘର କାହିଁ ଲାଗେ ବହୁତ ଦୂର
ପକ୍ଷୀ ଝାଡ଼ିଲେ ଡେଣା ଖସି ପଡଇ ପର
ପର ଖସିଗଲେ ଆଉ ନୁହେଁ ନିଜର
ପିଲାଦିନେ ପାଠ ଶାଠ ଖେଳ ତତ୍ପର
ବଡ଼ ହେଲେ ଆଲୋଡ଼ା କଣ୍ଢେଇ ଘର
ସଵାରୀରେ ବସି ଝିଅ ବିଦା ହୁଏ ଶାଶୁଘର
କାନ୍ଥେଣି ଠଣାରେ ରଖି ସରାଗାତ ନିଜର
ଯୌତୁକ ଯୁଇରେ ଶୋଇଗଲାପରେ ସମସ୍ତେ ପର
ବୁଢା ବୁଢ଼ୀଙ୍କର ସେଇ ହାତ ଆଜି ଥରଥର
ହାତ ଦିନେ କରୁଥିଲା କେତେ କାରବାର ବେଭାର
ପ୍ରଜାପତିଟା ଉଡିଗଲା ପରେ ବହୁତ ଦୂର
ଫୁଲ କି କହେ ତୁ ରହ ଭଅଁର
ଆସୁ ପ୍ରଜାପତି ଧରି ଚଅଁର ଚାମର
କିଏ କାହା ପାଇଁ ଚାହିଁ ରହିବା ଅସାର
ଆଜି କଥା ଆସନ୍ତା କାଲିକୁ ଅତୀତ ସୁଦୂର
ଶିଶିର ପାଣିରେ ବହିଗଲା ପରେ ନଦୀ ତାହାର
ଘାସଫୁଲ ଫୁଟି ଖୋଜେକି କେଵେ ରଙ୍ଗ କାହାର
ରଙ୍ଗ ସବୁ ଯିଏ ଯାର ନେଲାପରେ ସବୁ ନିଥର
