ଦୁଃଖ ଲାଗୁଛି
ଦୁଃଖ ଲାଗୁଛି
ଭାରି ଦୁଃଖଲାଗେ ଆମ ରାଇଜର ଲୋକ ଚରିତ୍ରକୁ ଦେଖି,
ଗରିବ ହେବାକୁ ମାଗଣା ନେବାକୁ ରହିଛନ୍ତି ଦଳେ ଟାକି |
ଯେଉଁଠି ଦେଖିବ ଓଡ଼ିଆରେ ଲେଖା ନିଶ୍ଚୟ ଭୁଲଥିବ,
ସରକାରୀ କଳ ସବୁଠୁ ଦୁର୍ବଳ କାହାକୁ ଯାଇ କହିବ ?
ସବୁଠି ଅଛନ୍ତି ଆମ ନିଜଲୋକ ଅପଢା ପଣ୍ଡିତ ବେଶି,
ତାଙ୍କ ଭାଷାଜ୍ଞାନ ବୁଦ୍ଧିକୁ ଦେଖିଲେ ମାଙ୍କଡ଼ ବି ଦେବ ହସି |
କ୍ଷମତା ପଦବୀ ପାଇଗଲେ ଥରେ କଳେ-ବଳେ କଉଶଳେ,
ପେଟ ବଢିଯାଏ କୁବେର ହୁଏ ସେ ପାଦ ଲାଗେ ନାହିଁ ତଳେ |
ନିଜର ଦାୟିତ୍ଵ କର୍ତ୍ତବ୍ୟକୁ ଛାଡ଼ି ଧାନ ଠୁଳ କରୁଥାଏ,
ଟିକସଦାତା ଯେ ଦ୍ଶାର ମାଲିକ ସେ କଥାକୁ ଭୁଲିଯାଏ |
ନିଜ ମାଆ ଆଉ ମାତୃଭାଷା ପାଇଁ ଟିକିଏ ଦରଦ ନାହିଁ,
ମାତୃଭୂମି କଥା କିଏ ବା ପଚାରେ ଏମାନେ ହିଁ ଦେଶଦ୍ରୋହୀ |